سيرياداعى سوعىس زاردابىن تارتقان بالالار ۇركەك بولىپ العان

استانا. قازاقپارات - ءتورت جىل بويى ازاماتتىق سوعىس شارپىعان سيرياداعى بۇلدىرشىندەر ءتىپتى فوتواپپاراتتى كورە سالىسىمەن «بەرىلدىم» دەگەندەي، ەكى قولىن اسپانعا كوتەرەتىن بولىپتى.

مىنا سۋرەتتى Twitter پاراقشاسىنا جاريا ەتكەن فوتوجۋرناليست امەل احمەد وسىلاي دەدى. ازاماتتىق سوعىس كەسىرىنەن جىلى ورنىن سۋىتقان سيريالىق بوسقىندار سانى 3 ميلليوننان اسىپ تۇسكەن.

ال وسى وتتى جەردە 250 مىڭنان استام ادام قازا تاپتى. تاياۋدا ەل پرەزيدەنتى باشار اساد بىرىككەن كواليتسيانىڭ قيمىلدارى ارتقاننان بەرى سيريا جەرىندەگى سودىرلار سانى دا كوبەيگەندىگىن العا تارتتى.

www.24.kz