وزدىگىنەن قالدىقتارعا ىدىرايتىن تەلەۆيزور ءپۋلتى ويلاپ تابىلدى

اليسيا مورا اتتى ينجەنەر مەن ماركەتينگ مامانى ماريا بۇل قادامعا قوناق ۇيلەردەگى پۋلتتەردىڭ ميكروبتىڭ ناعىز وشاعى ەكەندىگىن كورگەننەن كەيىن بارعان.

بۇل دەرەكتى زەرتتەۋ جۇرگىزگەن حيۋستون ۋنيۆەرسيتەتىنىڭ ماماندارى دا راستادى.

ولاردىڭ مالىمەتىنشە، پۋلتتەردىڭ بەتىندەگى قاۋىپتى باكتەريالار اجەتحاناداعى سانيتارلىق تەحنيكانىڭ بەتكى بولىگىندەگىدەن الدەقايدا كوپ ەكەن. وسىنى بىلگەن قۇربىلار قوعامدىق ورىندارداعى قۇرىلعىلاردى پايدالانۋدى قاۋىپسىز ەتۋدى ۇيعارعان.

Bwito دەپ اتالعان ءبىر رەت قولدانىلاتىن پۋلت كارتوننان جاسالعاندىقتان %100 عا دەيىن وزدىگىنەن قالدىقتارعا ىدىراي بەرەدى. ونىڭ مولشەرلەرى: ۇزىندىعى - 12,5 س م، ەنى -  3,5 س م، سالماعى نەبارى - 15 گرام «سيقىرلى» قۇرىلعىنى پايدالانىپ بولعان سوڭ گۇل ەگەتىن ىدىسقا وتىرعىزىپ، سۋارساڭىز ودان جالبىز، اقجەلەك وسىمدىكتەرى ءوسىپ شىعادى ەكەن. سەبەبى پۋلت جاسالعان كارتوننىڭ بويىنا وسى وسىمدىكتەردىڭ تۇقىمدارى سالىنعان. تەك ونىڭ ىدىرامايتىن جالعىز بولىگى -  شاعىن باتارەيكانى الىپ تاستاۋ كەرەك.

www.24.kz