09:57, 30 - ناۋرىز 2015 | GMT +5
قازاقستاننان روستوۆ قالاسىنا بەت العان اۆتوبۋس رەسەيدە اپاتقا ۇشىرادى
استانا. قازاقپارات - قازاقستاننان روستوۆ قالاسىنا بەت العان اۆتوبۋس رەسەيدە اپاتقا ۇشىرادى. سەكۋندىنا 30 مەتر جىلدامدىقپەن سوققان قاتتى داۋىل جانە جاڭبىردان كەيىنگى كوك تايعاقتىڭ سالدارىنان اۆتوبۋس جولدان شىعىپ كەتىپ، اۋدارىلعان.
بۇل تۋرالى 24.kz حابارلادى.
اتالعان جول باعىتىندا ماسكەۋ-كيسلوۆودسك باعىتىندا ءجۇرىپ بارا جاتقان تاعى ءبىر جولاۋشىلار مىنگەن اۆتوبۋس اپاتقا ۇشىراعان. التى ادام ءارتۇرلى دەنە جاراقاتتارىمەن اۋرۋحاناعا جەتكىزىلدى.
جالپى، قاتتى داۋىل سالدارىنان رەسەي استاناسى ماسكەۋدە كوشەدەگى اعاشتار قۇلاپ، كەيبىر جەرلەردە ەلەكتر جەلىلەرى ۇزىلگەن.
