استاناعا اسكەري پارادقا قاتىساتىن اسكەري تەحنيكالار تيەلگەن سوڭعى ەشەلون كەلدى - فوتو
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
ەلوردانىڭ تەمىر جول تۇعىرناماسىندا تانكتەر (ب م پ ت)، كاماز اۆتوكولىكتەرى، باسقا دا دوڭعالاقتى جانە شىنجىر تاباندى تەحنيكالارمەن قاتار جاۋىنگەرلىك ماشينالار دا اكەلىندى.
سونىمەن قاتار، استاناعا كەلگەن ەشەلون قۇرامىندا كەلىسىمشارت قىزمەتىندەگى اسكەري قىزمەتشىلەر جانە اسكەري وقۋ ورىندارىنىڭ كۋرسانتتارى بار. ولار پارادقا قاتىسۋشىلارعا ارنالعان دالالىق لاگەرلەرگە ورنالاستىرىلىپ، كۇندەلىكتى جاتتىعۋلارىنا كىرىسەدى.
استاناعا اسكەري تەحنيكالار مەن جەكە قۇرامدى ورنالاستىرۋ ءۇشىن اسكەري حابارلاما ورگاندارى (ءا ح و) پاراد وتەتەتىن ورىنعا اسكەري ەشەلونداردى تاسىمالداۋ جوسپارىن ازىرلەدى.
العاشقى ەشەلون ناۋرىز ايىنىڭ ورتاسىندا كەلگەن بولاتىن. سوروكوۆايا بەكەتىندە 68665 اسكەري ءبولىمىنىڭ كىرە بەرىسىندە تەحنيكالاردى تيەۋ جۇمىستارى جۇرگىزىلۋدە.
بۇل جولدىڭ ۇزاقتىعى 2,2 شاقىرىم تۇعىرناماداعى تيەۋ- ءتۇسىرۋ مۇمكىندىكتەرىن كۇشەيتۋ ماقساتىندا جيناۋ- بولشەكتەۋ تەمىر اپپارەلى (ج ب ت ا) ورناتىلدى. ول تاۋلىگىنە ءۇش ەشەلونداعى تەحنيكانى تۇسىرەدى. بۇدان وزگە تۇعىرنامادان ءتۇسىرۋ جانە تيەۋ جۇمىستارى وتاندىق ءونىم «اينالمالى بەكىتپەنى» قولدانۋ بارىسىندا ايتارلىقتاي جەدەل جۇرگىزىلدى. بۇل تاسىلدەر تۇعىرناماعا اسكەري تەحنيكالاردى جىلدام جانە ساپالى بەكىتۋگە مۇمكىندىك بەرەدى. تەمىرجول بويىمەن اسكەري ەشەلونداردىڭ قوزعالىسى كەزىندە اسكەري قىزمەتشىلەر اراسىنان قاراۋىلدار، تەحنيكانى كۇزەتۋ جانە قورعاۋ، ولاردى الىپ ءجۇرۋ ۇيىمداستىرىلدى.
اسكەري قىزمەتشىلەر جول بويىندا جاۋىنگەرلىك تاپسىرمانى ورىندادى. العاشقى ەشەلون كەلگەن ۋاقىتتان باستاپ بۇگىنگى كۇنگە دەيىنگى ارالىقتا استاناعا اسكەرلەر پارادىنا قاتىسۋعا قۇرامى 500 دەن اسا ۆاگوندى قۇرايدى جانە 900 گە جۋىق اسكەري قىزمەتشىلەر بار ەشەلون كەلدى.
ايتا كەتەيىك، اسكەري تەحنيكا قازاقستاننىڭ ءار ءتۇرلى وڭىرلەرىنەن اكەلىندى. بۇگىن كەشكە استانا قالاسىنا اەروۇتقىر اسكەرلەرىنە قارايتىن بولىمدەردىڭ اسكەري قىزمەتشىلەرى كەلەدى. كەلۋشىلەردى قارسى الۋ ءراسىمى ق ر ق م ورتالىق اسكەري وركەسترىنىڭ سۇيەمەلدەۋىمەن ءوتتى.
