ق ر باس پروكۋراتۋراسى اتىنان الاياقتاردىڭ جالعان حاتتار جولداپ وتىرعانىن مالىمدەدى

None
None
استانا. قازاقپارات - قۇقىق قورعاۋ ورگاندارى انىقتاعانداي، اعىمداعى جىلدىڭ 26 - ناۋرىزىنان باستاپ ءارتۇرلى ەلەكتروندىق پوشتالاردان ([email protected], [email protected] جانە ت. ب. ) باس پروكۋراتۋرانىڭ اتىنان الاياقتار جالعان حاتتار جولداپ وتىرعان.

بۇل تۋرالى ق ر باس پروكۋراتۋراسىنىڭ باسپا ءسوز قىزمەتى حابارلادى.

اڭگىمە مىنا مازمۇنداعى حاتتار جونىندە بولىپ وتىر: «سىزگە قازاقستان رەسپۋبليكاسى باس پروكۋراتۋراسىنىڭ 18.03.2015 ج. №530491 الاياقتىق بويىنشا قوزعالعان قىلمىستىق ءىس بويىنشا تەرگەۋ ناتيجەلەرى تۋرالى اقپاراتتىڭ كوشىرمەسىن جولدايمىن. قوسىمشا: 4-پاراقتا».

«وسىعان وراي، قازاقستان رەسپۋبليكاسى باس پروكۋراتۋراسىنىڭ مۇنداي حاتتى دايىنداماعانىن جانە تاراتپاعانىن حابارلايمىز. اقپارات تاراتىلعان ەلەكتروندىق پوشتالار پروكۋراتۋرا ورگاندارىنا تيەسىلى ەمەس»، - دەلىنگەن حابارلامادا. .

مۇنداي حاتتاردى العان جاعدايدا ولاردى اشپاۋعا كەڭەس بەرىلەدى، ويتكەنى ولاردى الاياقتار قىلمىستىق ماقساتتاردا پايدالانىپ وتىر. سونداي-اق فايلداردا كومپيۋتەر يەسىنىڭ مالىمەتتەر بازاسىن باسقارۋعا مۇمكىندىك بەرەتىن زياندى باعدارلامالار بولۋى مۇمكىن.

سوندىقتان باس پروكۋراتۋرا ازاماتتارعا مۇقيات بولۋدى جانە الاياقتاردىڭ ارباۋىنا ءتۇسىپ قالماۋدى سۇرايدى. وسىنداي حاتتار كەلگەن جاعدايدا باس پروكۋراتۋرانىڭ سەنىم تەلەفونىنا قوڭىراۋ سوعۋ قاجەت - 20  7126(7172)8.

قازىرگى ۋاقىتتا وسى دەرەك بويىنشا تەكسەرىس جۇرگىزىلۋدە.

سوڭعى جاڭالىقتار