استانادا «اسسامبلەيا - بەيبىتشىلىك پەن ىزگىلىك سيمۆولى» مەرەكەلىك باعدارلاماسى وتەدى

None
None
استانا. قازاقپارات - استانا قالاسى قازاقستان حالقى اسسامبلەياسىنىڭ حاتشىلىعى مەن قالا اكىمدىگى جانىنداعى «قوعامدىق كەلىسىم» كوممۋنالدىق مەملەكەتتىك مەكەمەسى 28- ناۋرىزدا پوليتەحنيكالىق كوللەدجدە «اسسامبلەيا - بەيبىتشىلىك پەن ىزگىلىك سيمۆولى» مەرەكەلىك باعدارلاماسىن وتكىزەدى.

بۇل شارا قازاقستان حالقى اسسامبلەياسىنىڭ جىلىنا ارنالىپ وتىر، دەپ حابارلادى «قوعامدىق كەلىسىم» ك م م باسپا ءسوز قىزمەتى.

شارانىڭ ماقساتى باستى قۇندىلىقتار - تاۋەلسىزدىكتى، بوستاندىقتى، بىرلىكتى، قازاقستان حالقىنىڭ بەيبىتشىلىگى مەن كەلىسىمىن دارىپتەۋ، قازاقستاندا تۇراتىن ۇلىستاردىڭ شىعارماشىلىق كوركەم ونەرپازدىعىن، داستۇرلەرى مەن سالتتارىن دامىتۋ بولماق.

شارا اياسىندا ەلوردانىڭ ەتنومادەني بىرلەستىكتەرىنىڭ شىعارماشىل ۇجىمدارى مەرەكەلىك كونسەرتىن ۇسىنادى.

بۇل شاراعا وقۋ ورنىنىڭ وقىتۋشىلارى مەن وقۋشىلارى، استانالىق ەتنومادەني بىرلەستىكتەر وكىلدەرى قاتىسادى.

سوڭعى جاڭالىقتار