قازاق ءتىلىن وقىتۋدا يننوۆاتسيالىق ادىستەر پايدالانىلادى
سونداي-اق، مەملەكەتتىك ءتىلدى وقىتۋعا ارنالعان وقۋلىقتاردىڭ ساپاسى دا نازاردان تىس قالماق ەمەس. كوپتىلدى الەمدەگى قازاق ءتىلىنىڭ پروبلەمالارى نازاربايەۆ ۋنيۆەرسيتەتىندە وتكەن عىلىمي-پراكتيكالىق كونفەرەنسيادا ءسوز بولدى.
«جىلدان-جىلعا مەملەكەتتىك تىلگە دەگەن قىزىعۋشىلىق پەن ونى مەڭگەرۋگە نيەت تانىتاتىنداردىڭ سانى ارتىپ كەلەدى»، - دەيدى ماماندار. بۇعان قازاق ءتىلدى قاۋىممەن ءوزارا قارىم-قاتىناس جاساۋ قاجەتتىلىگى مەن قىزمەتتە جوعارىلاۋ مۇمكىندىكتەرى دە سەپ بولىپ وتىر. «الايدا جۇرتشىلىق اسا قىزىعۋشىلىقپەن ءتىلدى ۇيرەنىپ، قازاقشا سۋداي سويلەۋ ءۇشىن ادىستەمەلەردى قايتا قاراستىرۋ قاجەت ەكەنى ءسوزسىز»، - دەيدى ءتىل ماماندارى.
«ءبىزدىڭ ۋنيۆەرسيتەت امەريكانىڭ ۆيسكونسين مەديسون ۋنيۆەرسيتەتىمەن تىعىز بايلانىس ورناتقان. سول جۇمىستىڭ بارىسىندا كوزىمىزدىڭ جەتكەنى - ءبىز كوشتەن قالىپ بارا جاتقان جوق ەكەنبىز. بىزدە دە ىلگەرىلەۋ بار ەكەن. ونى سول ۋنيۆەرسيتەتتىڭ ءتىلشى عالىمدارى دا مويىنداپ، بىزدەن ۇيرەنەتىندەرى بار ەكەنىن ايتىپ، ماقۇلدادى»، - دەيدى نازاربايەۆ ۋنيۆەرسيتەتى قازاق ءتىلى مەن مادەنيەتى كافەدراسىنىڭ مەڭگەرۋشىسى گۇلتاس قۇرمانباي.
