بۇگىن «مەنىڭ قازاقستانىم» پويىزى قوستاناي وبلىسى رۋدنىي قالاسىنا كەلدى - فوتو

None
None
رۋدنىي. قازاقپارات - «مەنىڭ قازاقستانىم» پويىزى بۇگىن تاڭەرتەڭ قوستاناي وبلىسى رۋدنىي قالاسىنىڭ ۆوكزالىنا كەلىپ توقتادى. قالا جۇرتشىلىعى قوناقتاردى كوتەرىڭكى كوڭىل-كۇيمەن قارسى الدى.

رۋدنىي قالاسىنىڭ اكىمى باقىتجان عايازوۆ ءسوز سويلەپ، «مەنىڭ قازاقستانىم» پويىزى قاتىسۋشىلارىنىڭ قالاداعى جۇمىسىنا تابىس تىلەدى.

ودان كەيىن «مەنىڭ قازاقستانىمنىڭ» ماماندارى ءار سالا بويىنشا ءوز مىندەتىنە كىرىستى. دەنساۋلىق ساقتاۋ جانە الەۋمەتتىك دامۋ مينيسترلىگى اقپاراتتىق-ساراپتامالىق ورتالىعى مونيتورينگ جانە ساراپتاما دەپارتامەنتىنىڭ ديرەكتورى ىرىستى جۇمابەكوۆا باسقارعان توپ ءونىمدى جۇمىس ىستەدى. رۋدنىي قالاسى جۇرتشىلىعىمەن كەزدەسكەن بۇل توپ مۇشەلەرى ادامداردىڭ كوكەيىندەگى ماسەلەلەرگە جاۋاپ بەردى.

ى. جۇمابەكوۆانىڭ ايتۋىنشا، رۋدنىيلىقتاردى تولعاندىراتىن ماسەلە كوبىنەسە الەۋمەتتىك سالاعا قاتىستى. سونداي-اق، زەينەتاقى تولەۋ ماسەلەسى مەن بۇل قالاعا كوبىرەك قونىستانعان ورالمان اعايىنداردى ويلاندىراتىن جاعدايلار دا بارشىلىق.

سونىمەن بىرگە، ەلدىڭ كوبىرەك ايتقان ماسەلەسى - بالاباقشا. بۇگىنگى كۇنى رۋدنىيدا 4 مىڭعا جۋىق بالا بالاباقشا كەزەگىندە تۇر.

«ءبىز جۇرتشىلىقتى تولعاندىرعان سۇراقتاردىڭ ءبارىن جازىپ الدىق جانە بۇل ماسەلەلەردى ەرتەڭ مينيستر تامارا دۇيسەنوۆانىڭ نازارىنا ۇسىنامىز»، - دەدى ى. جۇمابەكوۆا.

سونىمەن قاتار، «مەنىڭ قازاقستانىم» پويىزىنىڭ جەتەكشىسى ع. تەلەبايەۆتىڭ باسشىلىعىنداعى توپ «مەرەي» الەۋمەتتىك جاردەم كورسەتۋ بويىنشا رۋدنىي اۋماقتىق ورتالىعىندا بولدى. «ق ح ا - 20 ىزگى ءىس-شارا!» اكسياسى اياسىندا «مەرەي» ورتالىعىنا 150 مىڭ تەڭگە كولەمىندەگى جاردەم سەرتيفيكاتىن تابىس ەتتى.

سونىمەن قاتار، رۋدنىي قالاسىنىڭ اكىمدىگى دە قايىرىمدىلىق شاراسىن ودان ءارى جالعاستىردى. اكىمدىك اتىنان ءبىرىنشى توپتاعى مۇگەدەك، اربادا بيلەۋدەن كوپتەگەن كونكۋرستاردىڭ جەڭىمپازى يۋليا كالينيناعا بيگە ارنالعان مۇگەدەكتەر ارباسىن سىيلادى.

«مەنىڭ قازاقستانىم» پويىزىنىڭ مۇشەلەرى - دارىگەرلەر، زاڭگەرلەر، الەۋمەتتىك سالا قىزمەتكەرلەرى رۋدنىي قالاسىندا دا جۇكتەلگەن تاپسىرمانى جاۋاپكەرشلىكپەن اتقاردى.
كەشكە قالانىڭ ورتالىق الاڭىندا ونەر قايراتكەرلەرى قالا حالقىنا ۇلكەن كونسەرتتىك باعدارلاما ۇسىنادى.

5


4

3

2

اۆتور: ءابۋ-اسقار مەكەش ۇلى

سوڭعى جاڭالىقتار