مىسىر استاناسىندا ناۋرىز مەرەكەسى تويلاندى
شارا بارىسىندا ەلشىلىك اۋماعىندا ۇلتتىق ناقىشتا بەزەندىرىلگەن كيىز ءۇي ورناتىلدى. ديپميسسيا قىزمەتكەرلەرى مەن قازاقستاندىق ستۋدەنتتەر حالىق اندەرىن ورىنداپ، ءبي بيلەدى.
ۇيىمداستىرىلعان ءتۇرلى سايىس ىشىندە بالالار شىعارماشىلىعىنا جانە قازاق حالقىنىڭ سالت-داستۇرىنە ارنالعان شارالار قوناقتاردىڭ ەرەكشە قىزىعۋشىلىعىن تۋدىردى.
مەرەكەدە «قازاقشا كۇرەستەن» جانە باسقا ءداستۇرلى سپورت تۇرىنەن جارىس ۇيىمداستىرىلدى.
كوكتەم مەرەكەسىنىڭ قارساڭىندا قازاقستاندىق ەلشىلىك مىسىرلىق جاستار مەن قازاقستاندىق ستۋدەنتتەردىڭ قاتىسۋىمەن ۇلى مىسىر پيراميدالارى الدىندا فلەشموب ۇيىمداستىرىپ، بارشا قازاقستاندىقتاردى بەينە تۇسىرىلىم ارقىلى ناۋرىز مەيرامىمەن قۇتتىقتادى.
جىل سايىن ناۋرىز مەيرامىنىڭ كاير قالاسىندا تويلانۋى يگى داستۇرگە اينالىپ، جەرگىلىكتى حالىقتىڭ قىزىعۋشىلىعىن وياتىپ كەلەدى.
