قارجى مينيسترلىگى «ە- اۋديت» قىزمەتىن ەنگىزۋدى جوسپارلايدى
بۇگىن مەملەكەتتىك ورگانداردىڭ سالىقتىق تەكسەرۋلەر تارتىبىنە ارنالعان دوڭگەلەك ۇستەل جيىنى بارىسىندا قارجى مينيسترلىگى مەملەكەتتىك كىرىس كوميتەتىنىڭ باسقارما باسشىسى سەرىك ايسين وسىلاي ءمالىم ەتتى.
دوڭلەگەك ۇستەل جيىنىنا ءىرى سىرتقى ەكونوميكالىق قىزمەتكە قاتىسۋشىلار مەن سالىق تولەۋشىلەر قاتىسقان بولاتىن.
شارا بارىسىندا ءىشىنارا سالىقتىق تەكسەرۋلەر ءۇشىن سالىق تولەۋشىلەردىڭ تاۋەكەل توپتارىن ايقىنداۋ جانە تەكسەرۋ ناتيجەلەرى بويىنشا مەملەكەتتىك كىرىستەر ورگاندارىنىڭ قۇرىلىمدىق بولىمشەلەرىنىڭ ءوزارا ءىس- قيمىل ءتارتىبى ماسەلەلەرى تالقىلاندى.
«سالىقتىق اكىمشىلەندىرۋ رەفورماسى بويىنشا جۇزەگە اساتىن جوبالار اياسىندا قامتىلاتىن جاڭالىقتار بارشىلىق. سولاردىڭ ءبىرى ەلەكتروندىق ءاۋديتتى ەنگىزۋ. اتالعان «ە- اۋديت» ەكونوميكالىق ىنتىماقتاستىق جانە دامۋ ۇيىمىنا قاتىساتىن ەلدەردە كەڭىنەن قولدانىلىپ كەلەدى. بۇل تاجىريبەنى ءبىز دە ەنگىزۋدى جوسپارلاپ وتىرمىز»، - دەيدى س. ايسين.
ونىڭ سوزىنە قاراعاندا، ەلەكتروندىق اۋديت - بۇل سالىق تولەۋشىنىڭ بۋحگالتەرلىك ەسەبىنىڭ اۆتوماتتاندىرىلعان جۇيەسىنەن ءبىرىڭعاي ستاندارتتى قۇجاتتاردى قالىپتاستىرۋ جانە ونى پايدالانۋ ماسەلەلەرىن قامتيتىن بولادى.
ايتا كەتەرلىگى، ساراپشىلاردىڭ سوزىنە سۇيەنسەك، سالىقتىق تەكسەرۋلەر بويىنشا ەلەكتروندىق ءاۋديتتى ەنگىزۋ ءۇشىن الدىمەن ءبىرقاتار پروبلەمالار شەشىمىن تابۋى ءتيىس. اتاپ ايتقاندا، بۇعان ەڭ الدىمەن قۇقىقتىق بازا قالىپتاسىپ، بۋحالتەرلىك ەسەپ جۇيەسىن اۆتوماتتاندىرۋ قاجەت ەتىلەدى، ياعني ءىرى سالىق تولەۋشىلەر سالىق ورگاندارىنىڭ تەكسەرۋلەرى بارىسىندا بۋحالتەرلىك ەسەپ مالىمەتتەرىن ەلەكتروندىق تۇردە بەرۋگە مىندەتتەلۋى شارت.
اۆتور: قانات مامەتقازى ۇلى
