نۇرلان قاپپاروۆتىڭ دەنەسى بەيجىڭنەن الماتىعا جەتكىزىلدى

None
None
استانا. قازاقپارات - «قازاتومونەركاسىپ» ۇلتتىق كومپانياسىنىڭ قايتىس بولعان باسشىسى نۇرلان قاپپاروۆتىڭ دەنەسى الماتىعا جەتكىزىلدى، - دەپ حابارلايدى Tengrinews.kz ءتىلشىسى.

مارقۇمنىڭ دەنەسى بەيجىڭنەن ارنايى رەيسپەن جەتكىزىلدى.

بورت الماتىعا شامامەن تاڭعى ۋاقىت 5.30 دا كەلدى. الدىن الا مالىمەت بويىنشا، قوشتاسۋ ءراسىمى 28 - ناۋرىزدا الماتىدا وتەدى، قاي ۋاقىتتا جانە قاي جەردە ەكەنى ازىرشە انىقتالۋ ۇستىندە.

وسىعان دەيىن ق ر س ءى م باسپا ءسوز قىزمەتى 26 - ناۋرىزدا بەيجىڭ ۋاقىتى بويىنشا 14.30-دا «قازاتومونەركاسىپ» ۇ ا ك» ا ق باسقارما ءتوراعاسى نۇرلان قاپپاروۆتىڭ قىتايدا قايتىس بولعانىن حابارلادى. ونىڭ جۇرەگى توقتاپ قالعان.

قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ نۇرلان قاپپاروۆتىڭ وتباسىنا كوڭىل ايتۋ جەدەلحاتىن جولدادى. «نۇرلان قاپپاروۆ ءوزىنىڭ مول ءبىلىمى مەن تاجىريبەسىن ءاردايىم ەلىمىزدىڭ ءوسىپ- وركەندەۋىنە جۇمساعان دارىندى ۇيىمداستىرۋشى بولدى. حالقىمىز ونىڭ ەسىمى مەن ەڭبەگىن ۇمىتپايدى»، - دەلىنگەن ەدى مەملەكەت باسشىسىنىڭ جەدەلحاتىندا.

نۇرلان قاپپاروۆ 1970 - جىلى 30 - ناۋرىزدا الماتىدا دۇنيەگە كەلگەن. ول ءار جىلدارى ق ر ەنەرگەتيكا، يندۋستريا جانە ساۋدا ۆيتسە-ءمينيسترى، ەنەرگەتيكا جانە مينەرالدى رەسۋرستار ۆيتسە-ءمينيسترى، ق ر قورشاعان ورتانى قورعاۋ ءمينيسترى قىزمەتتەرىن اتقارعان. 2014 -جىلدىڭ 7 - تامىزىنان بەرى «قازاتومونەركاسىپ» ۇلتتىق كومپانياسىن باسقارىپ كەلدى. 2015 - جىلدىڭ 30 - ناۋرىزىندا نۇرلان قاپپاروۆ 45 جاسقا تولار ەدى.

سوڭعى جاڭالىقتار