مەكسيكالىق اجەلەر سۇلۋلىق سايىسىنا ءتۇستى

استانا. قازاقپارات - مەكسيكانىڭ سوچيميلكو قالاشىعىندا اجەلەر اراسىندا سۇلۋلىق سايىسى ءوتتى.

بۇل ەلدى مەكەن ەل استاناسى مەحيكودان 28 شاقىرىمدا ورنالاسقان.

ادەمى اپالار جارىسىنا بارلىعى 14 ۇمىتكەر قاتىستى. ۇلتتىق كيىم كيىپ، باستارىنا گۇلدەن ءتاج تاعىپ شىققان ولار ءان سالىپ، ءبي بيلەپ، ونەرلەرىن ورتاعا سالدى.

كوڭىلدى شارانىڭ ءوتىپ كەلە جاتقانىنا 60 جىلدان اسقان.

نەنسي بايز، سايىستى ۇيىمداستىرۋشى:

- بۇل اپالارعا ۇلدارى مەن قىزدارى سايىس بارىسىندا ۇلكەن قولداۋ كورسەتەدى. ءبىراق ولاردىڭ وسى جارىسقا قاتىسقانىن قۇپتامايتىن بالالار دا جوق ەمەس. بۇل شارانىڭ ماقساتى - ولارعا جان-جاقتى قولداۋ كورسەتىپ، جاندارىن سەرگىتىپ، جاقسى كوڭىل-كۇي سىيلاۋ.

www.24.kz