عالىمدار: بالانىڭ اقىل-پاراساتى اتا-اناسىنىڭ بىلىمىمەن بايلانىستى

استانا. قازاقپارات - عالىمدار بالانىڭ اقىل-پاراساتىنىڭ دەڭگەيى تۋرالى ەكى ءتۇرلى بولجام ايتادى: ءبىرى ونى گەنەتيكاسىمەن بايلانىستى دەسە، ەكىنشى توبى بالانىڭ زەردەسىنە سىرتقى فاكتورلاردىڭ اسەرى بار دەگەن بولجام ايتۋدا.

ۆيردجينيا ۋنيۆەرسيتەتى ماماندارىنىڭ سوڭعى زەرتتەۋلەرى ءبىلىمدى اتا-انادان تۋعان بالانىڭ اقىل-پاراساتى دا جوعارى بولىپ كەلەتىنىن دالەلدەدى.

ماماندار شۆەتسياداعى 436 ەر ادامنىڭ IQ دەڭگەيىن سالىستىردى. ولار ەكى بولەك وتباسىندا تاربيەلەنگەن اعايىندى بالالاردى زەرتتەگەن. ءبىرىنشى توپتاعى بالالاردىڭ بيولوگيالىق اتا-اناسى بار بولسا، ەكىنشى توپ - اسىراندىلار. ناتيجەسىندە 18-20 جاستاعى اسىراندى بالالاردىڭ اقىل-پاراساتىنىڭ دەڭگەيى ەكىنشى توپتاعى بالالارعا قاراعاندا 4,4 پۋنكت جوعارى بولعان. شۆەتسيادا باسقا مەملەكەتتەردەگىدەي بالا اسىراپ الۋشىلار كوپ. سوندىقتان دا وعان قويىلاتىن تالاپتار دا جوعارى بولىپ كەلەدى.

زەرتتەۋگە قاتىسقان بالا اسىراپ الۋشى اتا-انالاردىڭ الەۋمەتتىك-ەكونوميكالىق دەڭگەيى مەن ءبىلىم دەڭگەيى اناعۇرلىم جوعارى بولعان، ال بۇل بالانىڭ اقىل-پاراساتىنا تىكەلەي اسەرى بار، دەپ جازادى شەتەلدىك ب ا ق.