09:42, 26 - ناۋرىز 2015 | GMT +6
قىرعىزستان ۇكىمەت باسشىسى قازاقستان ەلشىسىنە العىس ايتتى
بىشكەك. قازاقپارات - قىرعىز رەسپۋبليكاسىنىڭ پرەمەر-ءمينيسترى جومارت وتوربايەۆ قىرعىزستانداعى قازاقستان ەلشىسى بەيبىت يسابايەۆتى ونىڭ ديپلوماتيالىق ميسسياسىنىڭ اياقتالۋىنا بايلانىستى قابىلدادى، دەپ حابارلادى قىرعىز رەسپۋبليكاسى ۇكىمەتىنىڭ باسپا ءسوز قىزمەتىنەن.
كەزدەسۋ بارىسىندا ۇكىمەت باسشىسى ب. يسابايەۆقا قازاق-قىرعىز قارىم-قاتىناسىن دامىتۋعا كوپ جىلدان بەرى ۇلەس قوسىپ كەلە جاتقانى ءۇشىن العىس ايتتى.
«بۇل ۋاقىت ارالىعىندا ەكىجاقتى ماڭىزدى ماسەلەلەر شەشىلىپ، ءبىرقاتار قۇجاتتارعا قول قويىلدى. سوڭعى ءبىر جىلدا ەكى ەل اراسىنداعى ساۋدا اينالىمى دا جاقسى ناتيجە كورسەتىپ، 1 ميلليارد دوللارعا جەتتى»، - دەدى ول.
د. وتوربايەۆ قىرعىزستاننىڭ ە ا ە و قۇرامىنا قوسىلۋ ۇدەرىسىنە كورسەتكەن كومەگى ءۇشىن جانە كەدەن وداعىنا قوسىلۋداعى جول كارتاسىنا قاجەت ۇيىمداستىرىلعان ءىس-شارالار ءۇشىن قازاقستانعا العىسىن جەتكىزدى.
سونىمەن قاتار، ول ب. يسابايەۆتى قازاقستاننىڭ ازەربايجان رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالۋىمەن قۇتتىقتاپ، ىسىنە ساتتىلىك تىلەدى.
