ق ر پرەزيدەنتتىگىنە ۇمىتكەرلەردىڭ بارلىعىنا تەڭ جاعداي جاسالعان

None
None
استانا. قازاقپارات - ق ر ورتالىق سايلاۋ كوميسسياسى ق ر پرەزيدەنتتىگىنە ۇمىتكەرلەرگە تەڭ جاعداي جاسادى. بۇل تۋرالى كەشە ق ر و س ك حاتشىسى باقىت مەلدەشيەۆ ءمالىم ەتتى.

«كەشە 25- ناۋرىزدا ءبىزدىڭ تىركەۋ مەرزىمىمىز اياقتالدى. پرەزيدەنت سايلاۋىن بەكىتكەننەن باستاپ، قاجەتتى جۇمىستاردىڭ بارلىعىن اتقاردىق. قانشاما سەمينار، وتىرىستار ءوتتى. سايلاۋ ناۋقانىن كەزەڭ-كەزەڭگە ءبولىپ قاراستىرساق، بۇگىن ءبىرىنشى كەزەڭى اياقتالدى. 26- اقپاننان باستاپ، پرەزيدەنتتىك سايلاۋعا كانديداتتار وزدەرىن ۇسىنا باستادى. وزدەرىڭىز بىلەتىندەي، 27 كانديدات ورتالىق سايلاۋ كوميسسياسىنا ۇمىتكەر رەتىندە ءوز وتىنىشتەرىن بەرگەن. سونىڭ ىشىندە، 25 كانديدات ءوز ءوزىن ۇسىنعان، ەكى كانديدات رەسپۋبليكالىق قوعامدىق بىرلەستىك جوعارعى ورگانىنان ۇسىنىلدى. ۇسىنعان ازاماتتاردىڭ اراسىندا ەكى ايەل بولدى: قويشيەۆا ليمانا جانە وتەپوۆا ايگۇل. كانديداتتاردىڭ ورتاشا جاسى - 54 جاستا ەكەن. 2005-جىلمەن سالىستىرعاندا، سول جىلى 18 كانديدات ءوتىنىش بەرگەن ەكەن، ونىڭ ىشىندە ءۇش كانديدات قالعان. 2011-جىلى 22 كانديدات ءوتىنىش بەرگەن، ونىڭ ىشىندە ءتورت ادام قالعان»، - دەدى ول.

ب. مەلدەشيەۆتىڭ ايتۋىنشا، ورتالىق سايلاۋ كوميسسياسى بەكىتكەن لينگۆيستيكالىق كوميسسيا ون توعىز وتىرىس وتكىزدى. سونىڭ ىشىندە، ون جەتى وتىرىس كانديداتتىڭ مەملەكەتتىك ءتىلدى ەركىن مەڭگەرگەندىگىن انىقتاۋعا ارنالعان. لينگۆيستيكالىق كوميسسيانىڭ وتىرىسىنا بارلىعى ون بەس ادام كەلدى. جەتى كانديدات قازاق ءتىلىن ەركىن مەڭگەرگەندىگىن دالەلدەدى. لينگۆيستيكالىق كوميسسيانىڭ وتىرىستارى وتە جوعارى دەڭگەيدە ءوتتى.

«كانديدات رەتىندە ءۇش ازامات تىركەلدى. ولار: نازاربايەۆ نۇرسۇلتان ءابىش ۇلى، سىزدىقوۆ تۇرعىن ىسقاق ۇلى جانە قۇسايىنوۆ ءابىلعازى قالياقپار ۇلى. بۇل ازاماتتارعا و س ك وتىرىستارىندا كانديداتتىڭ كۋالىكتەرى بەرىلدى»، - دەدى ب. مەلدەشيەۆ.

«وزدەرىڭىز كورىپ وتىرسىزدار، بار ۇمىتكەرلەرگە ءبىز تەڭ جاعداي جاسادىق. بارلىعى زاڭدى تۇردە ءوتتى. ەندى ورتالىق سايلاۋ كوميسسياسىندا كانديدات رەتىندە تىركەلگەن ءۇش ازامات بۇگىن، 26- ناۋرىزدان باستاپ، ءوز ۇگىت جۇمىستارىن باستاي الادى»، - دەدى ق ر و س ك حاتشىسى.

اۆتور: مارلان جيەمباي

سوڭعى جاڭالىقتار