فرانسيادا ۇشاق اپاتىنان قازا تاپقان قازاقستاندىق ازامات قاراعاندىدا كرەمني زاۋىتىنىڭ ديرەكتورى بولعان

قاراعاندى. قازاقپارات - فرانسيادا ۇشاق اپاتىنان قازا تاپقان قازاقستاندىق ازامات ەربول يمانقۇلوۆ قاراعاندىدا مەتاللۋرگيالىق كرەمني شىعارۋ زاۋىتىنىڭ «تاۋ-كەن تەمىر» ج ش س- ىندە ديرەكتور بولىپ جۇمىس ىستەگەن، دەپ حابارلايدى «قازاقپارات» ح ا ا- نىڭ وسى وڭىردەگى ءتىلشىسى.

«ە. يمانقۇلوۆ «تاۋ-كەن تەمىر» ج ش س-ءىن باسقارعان»، - دەپ راستادى قاراعاندى وبلىسىنىڭ اكىمدىگى.

«تاۋ-كەن تەمىر» ج ش س- ءنىڭ قۇرىلتايشىسى - «تاۋ-كەن سامۇرىق» ۇلتتىق تاۋ-كەن كومپانياسى» ا ق («سامۇرىق-قازىنا» ۇ ءا ا ق» ا ق- نىڭ ەنشىلەس قۇرىلىمى).

بۇعان دەيىن ق ر س ءى م حابارلاعانداي، فرانسيانىڭ وڭتۇستىگىندە اپاتقا ۇشىراعان Germanwings اۋە كومپانياسىنىڭ Airbus A320 ۇشاعىنىڭ اپاتى سالدارىنان قازاقستاننىڭ 3 ازاماتى - يمانقۇلوۆ ەربول بازارالى ۇلى (1965-جىلى دۇنيەگە كەلگەن)، يسەنعاليەۆا ايجان سارىم قىزى (1966-جىلى دۇنيەگە كەلگەن) جانە يمانقۇلوۆ ءادىل ەربول ۇلى (1989-جىلى دۇنيەگە كەلگەن) قازا تاپتى.

بۇدان باسقا، گەرمانيا ۇكىمەتىنىڭ حابارلاۋىنشا، ۇشاقتىڭ ىشىندە بلەس ەلەنا ەسىمدى ازاماتشا بولعان. الدىن الا بولجام بويىنشا، ول دا قازاقستان ازاماتى بولىپ تابىلادى. قازىرگى كەزدە بۇل اقپاراتتى ءتيىستى ورگاندار تەكسەرۋدە.

سىرتقى ىستەر مينيسترلىگى قازا تاپقان قازاقستاندىقتاردىڭ وتباسىلارىنا بارىنشا كومەك كورسەتەدى.