مەنىڭ قازاقستانىم پويىزى اتباسارعا كەلدى

None
None
اتباسار. قازاقپارات - بۇگىن قازاقستان حالقى اسسامبلەياسىنىڭ 20  جىلدىعىنا ارنالعان "مەنىڭ قازاقستانىم" پويىزى اقمولا وبلىسىنىڭ اتباسار اۋدانىنا كەلىپ توقتادى. اتباسار حالقى پويىز جولاۋشىلارىن شاشۋ شاشىپ، قۇرمەتپەن قارسى الدى.

"قۇرمەتتى قوناقتار! بۇگىن اقمولا وبلىسىنا اسسامبلەيا جىلىنا "مەنىڭ قازاقستانىم" پويىزىنىڭ قاتىسۋشىلارىن اتباسار قالاسىندا العاشقىلاردىڭ ءبىرى بولىپ قارسى الۋ باقىتى بۇيىردى. اسسامبلەيا جىلى - بۇل ەلىمىزدەگى ۇلتارالىق تاتۋلىق پەن بەيبىتشىلىك مودەلىنىڭ سالتانات قۇرعان جىلى. تاۋەلسىزدىك العالى بەرى ءبىزدىڭ قول جەتكىزگەن ەڭ ۇلكەن قۇندىلىعىمىز دال وسى بىرلىك پەن تاتۋلىق بولىپ قالا بەرمەك"، - دەدى قوناقتاردى قارسى العان اقمولا وبلىستىق ق ح ا حاتشىلىعىنىڭ مەڭگەرۋشىسى مارزيا توقايەۆا.

"سىزدەر سارىارقانىڭ تورىندەگى كيەلى اتباسار جەرىنە جاقسى نيەتپەن، جاقسى تىلەكپەن كەلىپ وتىرسىزدار. نەگە دەسەڭىزدەر، كەشە مۇندا قار جاۋىپ، بوران سوققان. ال بۇگىن كۇن جارقىراپ، شايداي اشىلدى"، - دەدى اتباسار اۋدانى ماسليحاتىنىڭ حاتشىسى باعدات بورانبايەۆ.

ونىڭ ايتۋىنشا، اتباسار 1845 -جىلى قۇرىلعان قالا، بيىل 170  جىلدىق مەرەيتويى. بۇگىنگى تاڭدا اۋداندا ەگىن شارۋاشىلىعىمەن، مال شارۋاشىلىعىمەن اينالىساتىن كوپتەگەن ج ش س- لار بار. سونىمەن قاتار 2000 ادامدى جۇمىسپەن قامتىپ وتىرعان ەلەكتروۆوز جوندەۋ زاۋىتى جۇمىس ىستەيدى. مۇندا 70 تەن استام ۇلت وكىلدەرى تاتۋ- ءتاتتى ءومىر سۇرۋدە.

ال دەلەگاتسيا جەتەكشىسى عازيز تەلەبايەۆ پويىز جولاۋشىلارىن ۇلكەن قۇرمەتپەن قارسى العان اۋدان حالقىنا العىسىن بىلدىرە كەلىپ:

" ءبىز كەشە تايىنشا قالاسىندا بولىپ، بۇگىن مىنە اتباسارعا ات باسىن تىرەپ وتىرمىز. ءبىزدىڭ پويىزدا بىرنەشە باعىت بويىنشا جۇمىس ىستەيتىن ادامدار كەلدى. ءبىرىنشىسى، ق ح ا مۇشەلەرى، ق ر پارلامەنتىنىڭ دەپۋتاتتارى، ولار وسى اسسامبلەيانىڭ 20 -جىلدىعى تۋرالى ءدارىس وقىپ، سىزدەرگە اقپارات بەرەتىن بولادى. ەكىنشى توپ - دارىگەرلەر، ولار حالىققا مەديتسينالىق كومەك كورسەتەدى. سونداي- اق، الەۋمەتتىك قولداۋ سالاسىنىڭ ماماندارى دا بار. ودان كەيىن ەسكەندىر حاسانعاليەۆ اعامىز باستاعان ءبىر توپ ونەر مايتالماندارى بار"، - دەپ اتاپ ءوتتى ول.

 

  اۆتور: ءابۋ- اسقار مەكەش ۇلى 

سوڭعى جاڭالىقتار