قازاقستان ريودا التى التىن الادى

None
None
استانا. قازاقپارات - الەمدىك Infostrada زەرتتەۋ ورتالىعى 2016-جىلى ريودا وتەتىن وليمپيادا ويىندارىندا قاي ەل قانشا مەدال الاتىنىنا بولجام جاسادى.

بۇل تۋرالى alaman.kz حابارلايدى.

اگەنتتىكتىڭ بولجاۋىنشا، قازاقستان ريو وليمپياداسىندا 6 التىن، 4 كۇمىس، 3 قولا مەدالمەن جالپى ەسەپتە 14-ورىن الۋى مۇمكىن.

ۇيىم ريودا ءبىرجان جاقىپ، جانىبەك ءالىمحان ۇلى، دانيار ەلەۋسىنوۆ جانە مەرەي اقشالوۆ سىندى بوكسشىلار چەمپيون اتانادى دەگەن. الايدا تىزىمدەگى بوكسشىلاردىڭ ىشىندە مەرەي اقشالوۆ سپورتتان كەتكەنى بەلگىلى. سونداي-اق ولار اۋىر اتلەتتەر - ءزۇلفيا چينشانلو مەن ۆلاديمير سەدوۆ التىن الادى دەپ بولجايدى.

«بەيجىڭ مەن لوندوندا چەمپيون اتانعان اۋىر اتلەت يليا يلين مەن اۋىر اتلەتيكادان العاش الەم چەمپيونى اتانعان قازاق جاسۇلان قىدىربايەۆ، بوكسشىلار ادىلبەك نيازىمبەتوۆ پەن يۆان دىچكو كۇمىس الادى»، - دەيدى زەرتتەۋ ورتالىعى.

ءۇش قولانى جازيرا جاپپارقۇل (اۋىر اتلەتيكا)، بەرىك ءابدىراحمانوۆ (بوكس) جانە قايرات ەراليەۆكە (بوكس) «بەرىپتى».

2012-جىلى لوندون وليمپياداسى الدىندا USA Today باسىلىمى «قازاقستان 2012-جىلى 5 التىن الادى» دەپ بولجاعان. ناتيجەسىندە قازاقستان جەتى التىنمەن جالپى ەسەپتە 12-ورىندى يەلەنگەن ەدى.

Infostrada اگەنتتىگىنىڭ بولجامىندا مىنا ەلدەر ريودا ۇزدىك وندىققا ەنەدى:

1. ا ق ش- 97 (47 التىن، 21 كۇمىس، 29 قولا)

2. قىتاي - 76 (28, 28, 20)

3. رەسەي - 74 (25, 25, 24)

4. فرانسيا - 47 (18, 12, 17)

5. گەرمانيا - 55 (16, 16, 23)

6. اۆستراليا - 42 (14, 16, 12)

7. ۇلى بريتانيا - 45 (10, 16, 19)

8. برازيليا - 27 (10, 14, 3)

9. جاڭا زەلانديا - 18 (10, 6, 2)

10. ۆەنگريا - 17 (10, 2, 5)

سوڭعى جاڭالىقتار