16:03, 26 - ناۋرىز 2015 | GMT +5
تاجىكستان ءشول دالاعا قالا سالا باستادى
استانا. قازاقپارات - تاجىكستاننىڭ سولتۇستىگىندەگى ءشول دالادا جاڭا قالانىڭ قۇرىلىسى باستالدى. بولاشاق قالادا 250 مىڭداي ادام تۇرادى، دەپ حابارلايدى روسبالت.
بولاشاق شاھاردىڭ ىرگەسىندە اعىپ جاتقان سايگۋن وزەنىمەن اتتاس قالا سوعدى وبلىسىنداعى حۋدجاندتان سولتۇستىككە قاراي شامامەن 10 شاقىرىم جەردە 14 مىڭ گەكتار ۋچاسكەدە سالىنۋى ءتيىس ەكەن.
تاجىكستان پرەزيدەنتى سايتىنىڭ مالىمەتىنشە، قالادا 19 شاعىن اۋدان، 50 گە جۋىق مەكتەپ، 40 سپورت كەشەنى، كوپتەگەن ساۋدا ورتالىقتارى مەن بازارلار بولادى. ءشول دالانىڭ جەتى مىڭ گەكتارى ساياباقتار مەن باقتارعا اينالماق، دەلىنگەن حابارلامادا.
