ا ق ش: اق ءۇي ەكى جىل بۇرىن قايتىس بولعان جازۋشىعا كوڭىل ايتتى

استانا. قازاقپارات - باراك وبامانىڭ كەڭەسشىسى سيۋزان رايس نيگەريا جازۋشىسى چينۋا اچەبەنىڭ قازاسىنا بايلانىستى كوڭىل ايتتى. بۇل رەتتە اچەبەنىڭ ەكى جىل بۇرىن قايتىس بولعانىن ايتا كەتۋ كەرەك، - دەپ حابارلايدى ۆەستي. رۋ.

رايس Twitter الەۋمەتتىك جەلىسىندەگى اككاۋنتىندا: «بۇگىن نيگەريادا قارالى كۇن، ويتكەنى تۋعان اۋىلىندا چينۋا اچەبە جەرلەندى» دەپ جازعان. بىرنەشە ساعاتتان كەيىن حابارلاما الىنىپ تاستالدى. الايدا ساياساتكەردىڭ سوزدەرى جەلىگە تاراپ ۇلگەرگەن ەدى.

كەيىنىرەك رايس سول Twitter ارقىلى قاتەلىگىن اقتاۋعا تىرىستى، دەپ حابارلايدى «رەسەي 24» تەلەارناسىنان. ءبىراق ونىڭ جاڭا جازباسىنا ءبىرقاتار اشۋلى كوممەنتاريلەر جازىلدى. الەۋمەتتىك جەلىلەردىڭ پايدالانۋشىلارىنىڭ ەسەپتەۋىنشە، تۇسىنبەستىك كەڭەسشىنىڭ نيگەريا جازۋشىسىنىڭ قايتىس بولۋىنا ەكى جىل تولۋىنا وراي جازىلعان نەكرولوگتى قايتىس بولۋ تۋرالى حابارلاما دەپ قابىلداۋىنان تۋىنداعان.