ىستامبۇل اۋەجايىندا ماسكەۋ تەاترىنىڭ قىزمەتكەرى جوعالىپ كەتتى

None
None
استانا. قازاقپارات - تۇركيادا ماسكەۋ قالاسىنىڭ «ساتيريكون» تەاترىنىڭ قىزمەتكەرى مارك يشمۋحامەتوۆ جوعالىپ كەتتى. ونىڭ جاقىندارىمەن بايلانىسقا شىقپاعانىنا 20 كۇن بولدى. ءارتىستى رەسەيدىڭ ىستامبۇلداعى كونسۋلدىعى ىزدەستىرۋدە، الايدا ىزدەۋ جۇمىستارى ازىرگە ناتيجە بەرمەي وتىر، دەپ حابارلادى «ۆەستي. رۋ».

يشمۋحامەتوۆتىڭ جاقىندارى «ماسكەۋ 24» تەلەارناسىنا ونىڭ تۇركياعا 3- ناۋرىز كۇنى تەاتر ترۋپپاسىمەن بىرگە ۇشىپ شىققانىن حابارلاعان. ىستامبۇلدا ارتىستەر گاسترولدەرى جوسپارلانىپ قويعان برازيلياعا ۇشاتىن رەيسكە وتىرۋى ءتيىس بولعان.

الدىن الا مالىمەتتەر بويىنشا، يشمۋحامەتوۆ ىستامبۇلدا شەتەلگە شىعۋ ءتولقۇجاتىن جوعالتىپ، اۋەجايدىڭ ترانزيتتىك ايماعىندا قالدى. 9- ناۋرىزدا ترۋپپا كەيىن قايتاتىن جولدا ونىمەن بايلانىسا المادى. ءارتىس اۋەجايدان دا تابىلمادى. ءبىر اپتا وتكەن سوڭ عانا الەۋمەتتىك جەلىلەر ارقىلى ىزدەستىرىلە باستاعان.

«ساتيريكون» تەاترىندا ءارتىستىڭ قايدا جوعالۋى مۇمكىن ەكەنىن بىلمەي وتىر. ونىڭ ارىپتەستەرى ونىمەن تەلەفون ارقىلى ۇنەمى بايلانىسقاندارىن، كەيىن ول تۇتقانى كوتەرمەي قويعانىن ايتادى. 4- ناۋرىز كەشىندە تۇتقانى باسقا بىرەۋ الىپ، ناشار اعىلشىن تىلىندە موبيلدىك تەلەفوندى تاپقانىن ايتتى.

سوڭعى جاڭالىقتار