08:40, 25 - ناۋرىز 2015 | GMT +6
قاراعاندى وبلىسى كەنتىندەگى مادەنيەت ءۇيىنىڭ شاتىرى وپىرىلىپ قۇلادى
قاراعاندى. قازاقپارات - قاراعاندى وبلىسىنا قاراستى بۇقار جىراۋ اۋدانىنداعى عابيدەن مۇستافين اتىنداعى كەنتتە مادەنيەت ءۇيىنىڭ شاتىرى وپىرىلىپ قۇلادى، دەپ حابارلايدى «قازاقپارات» ح ا ا- ءنىڭ ءتىلشىسى.
توتەنشە وقيعا 22- ناۋرىز كۇنى كەشكى ساعات التىدا ورىن العان.
«ءيا، مادەنيەت ءۇيىنىڭ كونسەرتتىك زالىنداعى شاتىرى وپىرىلىپ قۇلاعان. زارداپ شەككەندەر جوق. وقيعانىڭ ءمان-جايلارى مەن سەبەپتەرى انىقتالۋ ۇستىندە، كوميسسيا جۇمىس جاساۋدا»، - دەپ راستادى وقيعانى بۇقار جىراۋ اۋدانىنىڭ اكىمدىگىنەن.
توتەنشە وقيعا بولعان جەر قازىرگى كەزدە قورشاۋعا الىندى.
