10:36, 25 - ناۋرىز 2015 | GMT +5
قازاقستاندا تۋعان وپەرا ءانشىسى فرانسياداعى ۇشاق اپاتىندا قازا تاپتى
استانا. قازاقپارات - 1960-جىلى قازاقستاندا تۋعان وپەرا ءانشىسى ولەگ برىجاك فرانسيادا اپاتقا ۇشىراعان Airbus A320 ۇشاعىندا قازا تاپتى، دەپ حابارلادى ر ي ا نوۆوستي گەرمانيالىق Bild باسىلىمىنا سىلتەمە جاساماي وتىرىپ.
ولەگ برىجاكتىڭ قازاسىن ديۋسسەلدورف وپەراسىنىڭ باسشىلىعى راستادى.
«ءبىز ناعىز ءانشى، ۇلى ادام ولەگ برىجاكتان ايرىلدىق»، دەگەن تەاتردىڭ باس ديرەكتورى كريستوف مايەر باسىلىمعا بەرگەن سۇحباتىندا.
و. برىجاك 1960-جىلى قازاقستاندا تۋعان. ول قاراعاندى مۋزىكالىق ۋچيليشەسىندە، الماتى كونسەرۆاتورياسىندا ءبىلىم العان. 1986-1991-جىلدارى سانكت-پەتەربور، چەليابينسك، لۆوۆ قالالارىندا ونەر كورسەتكەن. 1996-جىلدان بەرى ديۋسسەلدورف تەاترىنىڭ ءسوليسى.
