14:58, 24 - ناۋرىز 2015 | GMT +6
رەسەي قازاقستاننىڭ قۇرعاق جەمىستەرى مەن راۋشان گۇلدەرىن كىرگىزۋگە تىيىم سالدى
استانا. قازاقپارات - قازاقستان مەن قىرعىزستاننىڭ 50 تونناعا جۋىق ءونىمىن رەسەي فەدەراتسياسىنىڭ اۋماعىنا كىرگىزۋگە تىيىم سالىندى.
رەسەي اۋىل شارۋاشىلىعىن باقىلاۋ باسقارماسىنىڭ نوۆوءسىبىر وبلىسى بويىنشا ينسپەكتورلارى قىرعىزستاننىڭ قىرىققاباتى، ءسابىزى جانە قازاقستاننىڭ جالپى سالماعى 48 توننا بولعان قۇرعاق جەمىستەرىن ايماققا كىرگىزۋگە تىيىم سالدى، دەپ حابارلادى باسقارمانىڭ باسپا ءسوز قىزمەتىنەن.
«جوعارىدا اتالعان ونىمدەردىڭ فيتوسانيتارلىق سەرتيفيكاتتارىنىڭ جوق ەكەنى انىقتالدى. سول سەبەپتەن قازاقستاننان جەمىستەردىڭ 500 كوشەتى مەن راۋشان گۇلىنىڭ 8 مىڭ كوشەتىن كىرگىزۋگە تىيىم سالىندى.
حالىقارالىق كارانتين زاڭناماسىنىڭ تالاپتارىنا سايكەس، ءونىمدى رەسەي فەدەراتسياسىنىڭ اۋماعىنا كىرگىزۋگە تىيىم سالىنعان. جۇكتەر كەرى قايتارىلدى»، - دەپ جازىلعان حابارلامادا.
