بوكەي حاننىڭ قازاق تاريحىنداعى ورنى
كورمە قازاق حاندىعىنىڭ 550 جىلدىعىنا وراي ۇيىمداستىرىلعان. بوكەي حان نۇرالى ۇلى XVI عاسىردا جوڭعار شاپقىنشىلىعىنا تويتارىس بەرگەن قازاق اسكەرىنىڭ دارىندى قولباسشىسى حانى - ءابىلقايىردىڭ نەمەرەسى.
ول 1801 - جىلى كىشى ءجۇز قازاقتارىنان قۇرالعان 5 مىڭ شاڭىراقتى سوڭىنا ەرتىپ، سول كەزدەرى قالماقتاردان بوساپ قالعان ەدىل-جايىق وزەندەرى ارالىعىنا قونىس تەۋىپ، بوكەي ورداسىن قۇردى.
سول ارقىلى بۇگىنگى قازاقستان شەكاراسىن جۇزدەگەن شاقىرىمعا كەڭەيتۋگە ۇلەس قوسقان تاريحي تۇلعا. كورمەگە بوكەي حاننىڭ رەسەي پاتشاسى پاۆەل ەكىنشىگە جەر سۇراپ جازعان ءوتىنىشى، كەيىن اتالعان اۋماقتى يەلەنۋگە پاتشانىڭ قول قويعان رۇقسات گراموتاسى قويىلعان. سونداي-اق حاننىڭ اتى-ءجونى جازىلعان جەكە ءمور-جۇزىگى، سول كەزدەرى اۋقاتتى قازاقتار تۇتىنعان ءۇي جيھازدارى مەن كۋزنەتسوۆ فابريكاسىنان شىققان شاي جابدىقتارى ورىن تەپكەن. وكسانا ايجانوۆا، مۇراجايدىڭ ءبولىم مەڭگەرۋشىسى:
- بوكەي حاننىڭ ارقاسىندا بۇگىنگى اتىراۋ وبلىسىنىڭ ەكى اۋدانى ورنالاسقان اۋماق قازاقتاردىڭ قاراۋىنا ماڭگىگە قالدىرىلدى. جانە كورشىلەس استراحان وبلىسىندا تۇراتىن مىڭداعان قازاقتار اتا- بابا سالت-ءداستۇرى مەن ادەت- عۇرپىنان قول ۇزبەي، ءالى كۇنگە جالعاستىرىپ كەلەدى. دەمەك بوكەي حان ءوز زامانىنىڭ ۇلى تۇلعالارىنىڭ ءبىرى دەۋگە تولىق نەگىز بار.
www.24.kz
