گەنەتيكتەر مامونتتى تىرىلتپەك نيەتتە

None
None
استانا. قازاقپارات - امەريكاندىق گەنەتيكتەر عىلىمي سەرپىلىس جاساعانى تۋرالى حابارلادى: ولار ءپىلدىڭ د ن ك- سىنا ءولىپ قالعان مامونتتاردىڭ 14 گەنىن قويدى.

بۇل تۋرالى The Sunday Times گازەتىنە بەرگەن سۇحباتىندا زەرتتەۋ ۇجىمىنىڭ جەتەكشىسى دجوردج چەرچ (گارۆارد) حابارلادى.

عالىمدار CRISPR گەنومىن رەداكتسيالاۋ قۇرالىن پايدالاندى. «ءبىز، ەڭ الدىمەن، تومەنگى تەمپەراتۋرا جاعدايىندا ورگانيزمدى تىرىلتۋگە جاۋاپ بەرەتىن ءجۇن قاباتىنىڭ، ءىرى قۇلاقتارىنىڭ، تەرى استى مايلاردىڭ جانە ەڭ الدىمەن گەموگلوبيننىڭ گەندەرىمەن جۇمىس جاسادىق. قازىر ءبىزدىڭ قولىمىزدا مامونت د ن ك فراگمەنتتەرىمەن ءپىلدىڭ ساۋ جاسۋشالارى بار. ءبىز ازىرگە بۇل تاجىريبەنىڭ ناتيجەلەرىن عىلىمي جۋرنالعا بەرگەن جوقپىز، ءبىراق تا تاياۋ ۋاقىتتاردا شىعىپ قالار»، - دەدى گەنەتيك.

چەرچ - ماڭگى مۇزدىقتا تابىلعان مامونتتار قالدىقتارىن كلونداۋعا قارسى اتاقتى ادامداردىڭ ءبىرى. عالىم ەجەلگى جانۋارلاردىڭ بارلىق گەنومدارىن بىرتە-بىرتە قايتا جاساۋ ءجون بولادى، دەپ سانايدى - ماڭگى مۇزدىقتا ساقتالعان د ن ك فراگمەنتتەرىن ولاردىڭ ەڭ جاقىن تۋىستارى - ءۇندى پىلدەرىنىڭ جاسۋشالارىنا سالۋ كەرەك دەگەندى ايتادى.

چەرچتىڭ پىكىرىنشە، مامونتتار (ءتىپتى ولاردىڭ ءدال ەمەس كوشىرمەلەرىنىڭ ءوزى) ماڭگى مۇز ەرۋى قاۋپى ءتونىپ تۇرعان ءسىبىر تۋندراسىنىڭ ەكوجۇيەسىن تۇراقتاندىرۋدا ماڭىزدى ءرول اتقارادى.

الايدا عالىمداردىڭ ءبارى بىردەي مامونتتاردى ءتىرىلتۋدى جاقتاپ وتىرعان جوق. «قازىر افريكاندىق جانە ءۇندى پىلدەرىنە دە قۇرىپ كەتۋ قاۋپى ءتونىپ تۇر. ءبىز ءتىرى جانۋارلاردىڭ ءوزىن قورعاي الماي وتىرعاندا، و دۇنيەدەن تاعى ءبىر ءپىلدى قايتارۋدىڭ قاجەتى قانشا؟ ودان دا اقشانى مىڭداعان جىل بۇرىن جويىلىپ كەتكەن جانۋارلاردى تىرىلتۋگە ەمەس، قولدا باردى قورعاۋعا جۇمساۋ قاجەت»، - دەپ مالىمدەدى ەجەلگى د ن ك بويىنشا ساراپشى، پروفەسسور الەكس گرينۆۋد.

CRISPR قۇرالىنىڭ كومەگىمەن عالىمدار سونداي-اق گەنەتيكانىڭ ىرگەلى زاڭدارىن اينالىپ ءوتىپ، مۋتاتسيانى كەلەسى ۇرپاققا 97 پايىز تيىمدىلىكپەن بەرۋدى ۇيرەندى. بۇل تۋرالى Science جۋرنالى حابارلادى.

سوڭعى جاڭالىقتار