ەردوعان قىرىم ءۇشىن كۇرەسپەك

استانا. قازاقپارات - تۇركيا قىرىم تاتارلارىنىڭ ماسەلەسىن ەكى جاقتى حالىقارالىق ۇيىمدار توڭىرەگىندە كوتەرەدى.

بۇل تۋرالى تۇركيا رەسپۋبليكاسىنىڭ پرەزيدەنتى ەردوعان كيەۆكە كەلگەن ساپارىندا مالىمدەدى.

«ءبىز ۋكرانيناداعى جاعدايدى ءجىتى باقىلاۋىمىزدا ۇستاۋدامىز. «قىرىم اننەكتسياسىنان» كەيىنگى قىرىم تاتارلارىنىڭ احۋالى ءبىزدى الاڭداتادى. سونداي-اق، قىرىمنىڭ رەسەي فەدەراتسياسى قۇرامىنا قوسىلۋىنان سوڭ، ونداعى قىرىم تاتارلارىنىڭ قيىن قىسپاققا الىنعاندىعى، قىرىم تاتارلارىنا دەگەن قىسىمنىڭ كوبەيۋى ءبىزدى بەي-جاي قالدىرمايدى. ءبىز بۇل ماسەلەلەردى ەكى جاقتى جانە حالىقارالىق پلاتفورمادا كوتەرەتىن بولامىز»، - دەدى تۇركيا پرەزيدەنتى ر. ەردوعان ۋكرانينا پرەزيدەنتى پ. پوروشەنكومەن بولعان كەزدەسۋدە.

سونداي-اق، ەردوعان قىرىم تاتارلارىنىڭ كوسەمى مۇستافا دجەميلگە جانە ءماجىلىس باسشىسى رەفات چۋباروۆقا جاساعان جاقسىلىعى ءۇشىن ۋكراينا پرەزيدەنتى پ. پوروشەنكوعا العىس بىلدىرە وتىرىپ، تۇركيا ۋكراينانىڭ تەرريتوريالىق تۇتاستىعىن قولدايتىنىن ايتتى.

نۇرزات توعجان

«قامشى»