اۆستراليانىڭ سولتۇستىك جاعالاۋىنا سۇراپىل داۋىل جاقىنداپ كەلەدى

None
None
استانا. قازاقپارات - اۆستراليانىڭ سولتۇستىك جاعالاۋىنا «ناتان» تروپيكالىق داۋىلى جاقىنداپ كەلەدى. وسىعان بايلانىستى گولۋبەرن ارالىندا تۇراتىن 400 دەن اسا تۇرعىن دارۆين قالاسىنا ەۆاكۋاتسيالاندى، دەپ حابارلايدى يتار-ت ا س س.

قازىرگى تاڭدا بۇل سيكلونعا قۋاتتىلىقتىڭ ەكىنشى ساناتى بەرىلىپ وتىر، الايدا الداعى بىرنەشە ساعاتتا داۋىلدىڭ كۇشى ارتىپ، ءۇشىنشى ساناتقا اۋىسادى. سينوپتيكتەردىڭ ايتۋىنشا، جەلدىڭ جىلدامدىعى سەكۋندىنا 50 مەترگە دەيىن بارادى.

گولۋبەرن ارالىنىڭ تۇرعىندارى سوڭعى ايدا وسىمەن ەكىنشى رەت ۇيلەرىن تاستاپ كەتۋگە ءماجبۇر بولىپ وتىر. اقپان ايىنىڭ سوڭىندا «پەم» سيكلونىنا بايلانىستى ولار دارۆين قالاسىنا كوشىرىلگەن ەدى.

BNews.kz

سوڭعى جاڭالىقتار