ا ق ش پرەزيدەنتى لاۋازىمىنا العاشقى ۇمىتكەر بەلگىلى بولدى

None
None
استانا. قازاقپارات - تەحاس شتاتىنان رەسپۋبليكاشىل-سەناتور تەد كرۋز دۇيسەنبى كۇنى، 23- ناۋرىزدا ا ق ش پرەزيدەنتتىگىنە داۋىسقا ءتۇسۋ نيەتىن جاريالاماق، دەپ حابارلادى Houston Chronicle باسىلىمى سەناتوردىڭ كەڭەسشىلەرىنە سىلتەمە جاساپ. ول پرەزيدەنت ورىنتاعىنا العاشقى ۇمىتكەر بولماق.

كەڭەسشىلەردىڭ اقپاراتىنا قاراعاندا، كرۋز ۆيردجينيا شتاتىنداعى لينچبەرگتە سۆوبودنوە ۋنيۆەرسيتەتىندە رەسمي مالىمدەمە جاساۋدى جوسپارلاۋدا.

44 جاستاعى كرۋز رەسپۋبليكاشىلاردىڭ كونسەرۆاتيۆتىك توبى مەن شاي ىشۋشىلەر پارتياسىندا تانىمال تۇلعا جانە ول باراك وباما اكىمشىلىگىن ۇنەمى جانە بىتىسپەس سىنعا الىپ جۇرگەن ادام. ول obamacare دەپ اتالاتىن ونىڭ مەديتسينالىق ساقتاندىرۋدى رەفورمالاۋىنا دايەكتى تۇردە قارسى شىعىپ كەلەدى، دەپ حابارلادى روسبالت.

CNN جانە ORC International survey ناۋرىز ايىندا ساۋالناما وتكىزدى، ول رەسپۋبليكاشىلار اراسىندا ا ق ش- تىڭ بۇرىنعى پرەزيدەنتى دجوردج بۋشتىڭ ءىنىسى دجەب بۋش (%16) جانە ۆيسكونسين شتاتىنىڭ گۋبەرناتورى سكوتت ۋوركەر (%13) كوبىرەك تانىمال ەكەنىن كورسەتتى.

اقپان ايىنىڭ سوڭىندا امەريكاندىق ميللياردەر دونالد ترامپ تا ا ق ش پرەزيدەنتى سايلاۋىنا ءتۇسۋ مۇمكىندىگى جونىندە شىنداپ ويلانىپ جۇرگەنىن حابارلادى.

قۇراما شتاتتار پرەزيدەنتىنىڭ سايلاۋى 2016-جىلعى قاراشادا وتپەك.

سوڭعى جاڭالىقتار