ناۋرىز ءتۇرى باسقا بولسا دا، جۇرەگى ءبىر، ءتىلى باسقا بولسا دا، تىلەگى ءبىر ۇلتتىڭ ورتاق مەيرامى
ونىڭ ايتۋىنشا، كوپ ۇلتتى ەلىمىزدە ءتۇرلى ۇلت وكىلدەرىن ءبىر شاڭىراقتىڭ استىنا ءبىر وتباسىنداي ۇيىستىرۋدا قازاقستان حالقى اسسامبلەياسىنىڭ ماڭىزى زور.
«ۇلىستىڭ ۇلى كۇنى تاۋەلسىز ەلدىڭ ازاماتى رەتىندە كەز كەلگەن قازاقستاندىقتىڭ ءبىر-بىرىنە اق نيەت، يگى تىلەكتەر تىلەپ، ەلدىڭ ىنتىماعى مەن بىرلىگىن اسقاقتاتۋ پارىزى. ءبىز كوپ ۇلتتى مەملەكەتپىز. قازاقستان - بارلىق ۇلتتاردىڭ قاسيەتتى مەكەنى. ءبىزدىڭ اقمولا وبلىسىندا دا سان ۇلتتىڭ وكىلدەرى ءبىر-بىرىمەن تاتۋ-ءتاتتى ءومىر ءسۇرىپ، ەلىمىزدىڭ بۇگىنى مەن بولاشاعى ءۇشىن قاجىرلى ىستەر اتقارىپ جاتىر.
وسى ورايدا، وڭىردەگى ءتۇرلى ۇلت وكىلدەرىنىڭ مادەنيەتىن قايتا جاڭعىرتۋدا قازاقستان حالقى اقمولا اسسامبلەياسىنىڭ ءرولى وراسان زور. مەنىڭ بۇل سوزىمە وبلىسىمىزداعى بارلىق ەتنومادەني بىرلەستىك مۇشەلەرى دە قوسىلادى دەپ ويلايمىن. بۇل ارينە، ەلىمىزدىڭ تاۋەلسىزدىك العان جىلدارى بيىك جەتىستىككە جەتىپ، مىقتى مەملەكەت قۇرۋ ماقساتىندا دەن قويعانى ەلباسى ن. نازاربايەۆتىڭ كورەگەن ساياساتىنىڭ ايقىن جەمىسى.
سوندىقتان وسى ءساتتى پايدالانا وتىرىپ، بارشا قازاقستاندىقتاردى ەلىمىزدەگى تاتۋلىق پەن دوستىقتىڭ جارشىسىنا اينالعان قاستەرلى ۇلىستىڭ ۇلى كۇنى - ءاز ناۋرىز مەرەكەسىمەن قۇتتىقتايمىن. ناۋرىز ءتۇرى باسقا بولسا دا، جۇرەگى ءبىر، ءتىلى باسقا بولسا دا، تىلەگى ءبىر ۇلتتىڭ ورتاق مەيرامى. ناۋرىز مەيرامى ءار وتباسىنا باقىت، ىرىس-ىنتىماق اكەلسىن. ەگەمەندى ەلىمىزدە حالىقتار اراسىنداعى مىزعىماس دوستىق ماڭگى جاساسىن!»، - دەيدى مۋداريس ابدۋلين.
اۆتور: اسلان وسپانوۆ
