قازاقستاندىق ستۋدەنتتەرىءۇندىستاندا ناۋرىز مەرەكەسىنە ارناپ كونسەرت قويدى - فوتو
ناۋرىزدى مەرەكەلەۋ دەلي قالاسىنداعى قازاقستان، ازەربايجان، اۋعانستان، يران، قىرعىزستان، تاجىكستان، تۇرىكمەنستان جانە وزبەكستان ەلشىلىكتەرىمەن ۇيىمداستىرىلدى. ءىس-شاراعا ءۇندىستاننىڭ سىرتقى ىستەر ءمينيسترىنىڭ ورىنباسارى ناۆتەدج س. سارنا قاتىستى.
دەلەگاتسيا قۇرامىنداعى قاز ۇ ۋ ستۋدەنتتەرىنىڭ بەرگەن كونسەرتىن جينالعان قاۋىم قۋانا قابىلدادى. «باقىت» ستۋدەنتتىك شوۋ-بالەتىنىڭ بيدەن سۇيەمەلدەۋىمەن حالىق اندەرى مەن اۋەندەرى، سونداي-اق تانىمال قازاق اۆتورلارى مەن كومپوزيتورلارىنىڭ زاماناۋي شىعارمالارى ورىندالدى. كورەرمەندەر سونىمەن بىرگە ناۋرىز كوجەدەن جانە باسقا دا قازاقتىڭ ۇلتتىق تاعامدارىنان ءدام تاتىپ، ۇلتتىق مۋزىكالىق اسپاپتارمەن جانە كيىمدەرمەن تانىسۋ مۇمكىندىگىنە يە بولدى.
ءۇندىستاندا ناۋرىزدى مەرەكەلەۋ شاراسى وسىنداي جوعارى دەڭگەيدە جانە كەڭ اۋقىمدى تۇردە العاش رەت وتكىزىلدى.
بۇعان قوسا، ساپار بارىسىندا ءۇندىستانداعى قازاقستان ەلشىسى بولات سارسەنبايەۆ جانە ج و و رەكتورى عالىم مۇتانوۆ باستاعان ءال-فارابي اتىنداعى قازاق ۇلتتىق ۋنيۆەرسيتەتىنىڭ دەلەگاتسياسى ۇلى بريتانيا، ب ا ءا، ا ق ش، سينگاپۋر جانە ت. ب. الەمنىڭ كوپتەگەن مەملەكەتتەرىندە فيليالدارى بار ءۇندىستاننىڭ ءىرى جوعارى وقۋ ورىندارىنىڭ ءبىرى «اميتي» ۋنيۆەرسيتەتىنە باردى. كەزدەسۋدە ەكى ۋنيۆەرسيتەت اراسىنداعى ىنتىماقتاستىق تۋرالى كەلىسىمگە قول قويىلدى. سونىمەن بىرگە قاز ۇ ۋ ستۋدەنتتەرى «اميتي» ۋنيۆەرسيتەتىنىڭ ستۋدەنتتىك جانە پروفەسسورلىق-وقىتۋشىلىق قۇرامىنا ارناپ مەرەكەلىك كونسەرت ۇيىمداستىردى.
سونىمەن قاتار ءۇندىستانعا ساپارى شەڭبەرىندە قاز ۇ ۋ رەكتورى ع. مۇتانوۆ قازىرگى ۋاقىتتا الەم بويىنشا جىلىنا 100 ميلليون وقىرمانى بار بۇكىل الەمدىك «بريتانيكا» ەنتسيكلوپەدياسىنىڭ ازيالىق ءبولىمى وكىلدەرىمەن كەزدەستى. كەزدەسۋ بارىسىندا قازاقستاننىڭ تاريحى جانە قازىرگى كەزەڭدەگى دامۋى تۋرالى ەنتسيكلوپەديانىڭ كونتەنتىن ساراپشىلىق كەڭەس قۇرۋ ارقىلى تولىقتىرۋ بويىنشا قاز ۇ ۋ- عا ايرىقشا قۇقىق بەرۋ جونىندە ۋاعدالاستىققا قول جەتكىزىلدى. اتالمىش كەلىسىمگە ەنتسيكلوپەديا وكىلدەرىنىڭ كەلەسى ايدا قازاقستانعا ساپارى بارىسىندا قول قويۋ جوسپارلانۋدا.
