قازاقستان مەن ب ا ءا- ءنىڭ سوت ورگاندارى اراسىنداعى ءوزارا ىنتىماقتاستىق تۋرالى مەموراندۋمعا قول قويىلدى - فوتو
كەزدەسۋ بارىسىندا قايرات ءمامي قازاقستاندا سوت تورەلىگى جۇيەسىن جەتىلدىرۋدىڭ جۇيەلى ءىس-شارالارى جۇرگىزىلىپ جاتقانىن ايتتى.
«زاڭنامانى جەتىلدىرۋ، داۋلاردى شەشۋدىڭ بالامالى تاسىلدەرىن ەنگىزۋ، سوت تورەلىگىنە قولجەتىمدىلىكتىڭ كەڭەيتىلگەن قۇقىعىن قامتاماسىز ەتۋ ماسەلەلەرى ماڭىزدى مىندەتتەر بولىپ تابىلادى ، - دەدى ول.
اڭگىمە بارىسىندا ينۆەستيتسيالىق سوتتار جۇمىسىن ۇيىمداستىرۋ بويىنشا تاجىريبە، اقپارات جانە ازىرلەنىم الماسۋعا ايرىقشا نازار اۋدارىلدى.
كەزدەسۋ قورىتىندىسى بويىنشا قازاقستان رەسپۋبليكاسى جانە بىرىككەن اراب امىرلىكتەرىنىڭ سوت ورگاندارى اراسىنداعى ءوزارا ىنتىماقتاستىق تۋرالى مەموراندۋمعا قول قويىلدى.
ساپار شەڭبەرىندە ق. ءماميدىڭ، دۋباي حالىقارالىق قارجى ورتالىعى سوتىنىڭ سۋدياسى م. حۆاننىڭ جانە ا ق ش وكرۋگتىك سوتىنىڭ نيۋ-يورك وڭتۇستىك وكرۋگىنىڭ سۋدياسى ا. پرەسكانىڭ قاتىسۋىمەن ءۇشجاقتى حاتتامالىق كەزدەسۋ بولىپ ءوتتى.
تاراپتار ءوز ەلدەرىنىڭ سوت جۇيەسى تۋرالى قىسقاشا اقپاراتپەن الماستى. لورەتتا ا. پرەسكا نيۋ-يورك قالاسى سوتتارىنىڭ قارجىلىق، كوممەرتسيالىق جانە قۇقىقتىق حاب رەتىندە دامۋداعى ۇلەسى تۋرالى ايتىپ ءوتتى.
