بەرليندە قازاق قىزىنىڭ جەتەكشىلىگىمەن اۋقىمدى كونسەرت ۇيىمداستىرىلدى - فوتو

None
None
بەرلين. قازاقپارات - ناۋرىز مەيرامىن اتاپ ءوتۋ اياسىندا بەرلين فيلارمونياسىنىڭ ۇلكەن كونسەرت زالىندا قازاقستاننىڭ حالىق ءارتىسى ايمان مۇساقوجايەۆانىڭ جەتەكشىلىگىمەن قازاق ۇلتتىق ونەر ۋنيۆەرسيتەتىنىڭ سالتاناتتى كەشى ءوتتى.

مەرەكەلىك شاراعا مىڭنان استام كورەرمەن جينالدى، نەمىس ۇلتىنىڭ وكىلدەرى قازاقتىڭ ءانى مەن اۋەنىنىڭ اسەم سازىنا قۇلاق قۇرىشىن قاندىردى. كونسەرتتە 20 دان استام حالىق شىعارمالارى مەن كلاسسسيكالىق تۋىندىلار جۇرتشىلىق نازارىنا ۇسىنىلدى.

«ءبىر ەل - ءبىر تاعدىر» قاعيداسى بويىنشا جۇرگىزىلىپ وتىرعان مەملەكەت ساياساتىنىڭ اياسىندا مەرەيتويلىق داتالاردى اتاپ ءوتۋ قازاقستاندىقتاردىڭ سانا-سەزىمىندە «ماڭگىلىك ەل» ۇلتتىق يدەولوگياسىنىڭ نەگىزىنە اينالعان ۇلتتىق بىرلىك دوكتريناسىن سىڭىرەدى»، - دەدى ءوز سوزىندە گەرمانياداعى قازاقستان ەلشىسى بولات ءنۇسىپوۆ.

قويىلىم سوڭىندا كەلۋشىلەر ءۇشىن قازاقتىڭ ۇلتتىق تاعامدارىنان تۇراتىن فۋرشەت ۇيىمداستىرىلدى. كورەرمەندەر سونداي-اق قازاقتىڭ مادەنيەتىمەن، داستۇرىمەن ەتەنە تانىسىپ، قازاق جەرىندە ناۋرىز مەرەكەسىنىڭ تويلانۋ ەرەكشەلىكتەرى تۋرالى ماعلۇمات الدى.

1

2

سوڭعى جاڭالىقتار