تاراز قالاسىنىڭ ەكى مىڭنان استام تۇرعىنى ەپتىلىكتەرىن كورسەتىپ، كۇش سىناستى

تاراز. قازاقپارات - وبلىس ورتالىعىندا، «اتشابار» گۇلزارىندا ناۋرىز مەرەكەسنە ارنالعان سپورتتىق- بۇقارالىق جارىستار ءوتتى، دەپ حابارلادى تاراز قالاسى اكىمدىگىنىڭ دەنە شىنىقتىرۋ جانە سپورت باسقارماسىنان.

«سپورتتىق جارىستار باعدارلاماسى قازاقشا كۇرەس، شاحمات، دويبى، توعىزقۇرمالاق، گىر سپورتى، ارمرەستلينگ بويىنشا ءوتىپ، وعان تىلەك بىلدىرۋشىلەردىڭ بارلىعى قاتىستى»، - دەدى قالالىق سپورت باسقارماسىنىڭ باستىعى وكسانا بوريسيۋك.

سونىمەن بىرگە، اۋلا ويىندارىنان - لاڭگى، ارقان تارتۋ، اسىق جانە باسقا دا سپورت تۇرلەرىنەن قالا بىرىنشىلىگى ءوتتى. وعان 350 ءجاسوسپىرىم قاتىستى. ىرىكتەۋ جارىستارى ءۇش جاس توپتارىندا (10-14, 14-18 جانە 18 جاستان جوعارى) ءوتتى. جەڭىمپازدار ءساۋىردىڭ ورتاسىنا وتەتىن وبلىستىق چەمپيوناتتا كۇش سىناسادى»، - دەپ ءتۇسىندىردى و. بوريسيۋك.

ونىڭ ايتۋىنشا، جارىستاردىڭ ماقساتى قازاق حالقىنىڭ سالت- داستۇرلەرىن، ۇلتتىق مادەنيەتىن جاس ۇرپاق اراسىندا ناسيحاتاۋ جانە ساقتاۋ، سالاۋاتتى ءومىر سالتىن دارىپتەۋ بولدى.

ناۋرىزعا ارنالعان جارىستارعا بارلىعى ەكى مىڭنان استام تاراز تۇرعىندارى قاتىستى.

جالپى كوماندالىق جانە جەكەلەي ەسەپتەگى جەڭىمپازدار مەن جۇلدەگەرلەر گراموتالارمەن، مەدالدارمەن جانە ەسكەرتكىش سىيلىقتارمەن ماراپاتتالدى.

سپورت جارىستارىن تاراز قالاسىنىڭ اكىمدىگى، جامبىل وبلىسى اكىمدىگىنىڭ دەنەشىنىقتىرۋ جانە سپورت باسقارماسى ۇيىسمداستىردى.