ماسكەۋدە جالپىقالالىق ناۋرىز مەيرامى ءوتتى - فوتو

None
None
ماسكەۋ. قازاقپارات - ماسكەۋدە، «روسسيا» مەملەكەتتىك ورتالىق كونسەرت زالىندا كوكتەم مەرەكەسى - ناۋرىز مەيرامى جالپىقالالىق دەڭگەيدە اۋقىمدى سالتاناتپەن ءوتتى.

شارانى ماسكەۋ قالاسىنىڭ ءوڭىرارالىق ىنتىماقتاستىق، ۇلتتىق ساياسات جانە ءدىني ۇيىمدارمەن بايلانىس دەپارتامەنتى تاياۋ جانە الىس شەتەلدەردىڭ ەلشىلىكتەرى، رەسەي فەدەراتسياسى وكىلەتتى سۋبەكتىلەرىنىڭ جانە استانانىڭ ۇلتتىق قوعامدىق ۇيىمدارىنىڭ قاتىسىۋىمەن ۇيىمداستىردى.

ماسكەۋ قالاسى ۇلتتىق ساياسات، ءوڭىرارالىق بايلانىستار جانە تۋريزم دەپارتامەنتىنىڭ باسشىسى ۆلاديمير چەرنيكوۆ «بۇگىنگى تاماشا مەرەكە - ناۋرىز مەيرامى بىزدە داستۇرگە اينالدى، بۇل مەرەكە ماسكەۋ جۇرتشىلىعى ءۇشىن سۇيىكتى ويىن- ساۋىق شاراسىنا اينالدى»، دەپ اتاپ ءوتتى.

ۆ. چەرنيكوۆتىڭ ايتۋىنشا، ناۋرىزدى مەرەكەلەۋگە 14 ەلدىڭ وكىلدەرى قاتىسقان. استاناداعى مەرەكەدە بارلىعى جەتى مىڭعا دەيىن ادام بولعان.

مەرەكەلەلىك شارالار بارىسىندا استانا تۇرعىندارى مەن قوناقتارىنانا قىزىقتى جانە جارقىن مۋزىكالىق- تەاترلاندىرىلعان قويىلىمدار ۇسىنىلدى، ارتىستەر مەن شىعارماشىل ۇلتتىق ۇجىمدار كونتسەرت قويدى، سونداي-اق ۇلتتىق بۇيىمدار مەن ونەر زاتتارىنىڭ كورمەسى ۇيىمداستىرىلدى.

قازاقستاندىق مۋزىكالىق باعدارلامادا قازاقستاندىقتار ءسۇيىپ تىڭدايتىن تاتيانا پولتاۆسكايانىڭ «تاتيانالار ۇشتىگى» ، «تۇران» فولكلورلىق- ەتنوگرافيالىق انسامبلى، «گولوس» جوباسىنىڭ ءۇشىنشى ماۋسىمىنا قاتىسۋشى ءانشى ديانا ءشارىپوۆا، سونداي-اق باسقا دا انشىلەر مەن ورىنداۋشىلار ونەر كورسەتتى.

 «بۇگىن جاھاندىق دەڭگەيدەگى ەرەكشە كۇن. ناق وسى ناۋرىزدا كۇن مەن ءتۇن تەڭەسىپ، الەم جاڭعىرادى - بۇل جاڭا كۇننىڭ باستالۋى مەرەكەسى. مەن بارلىق وتانداستارىمدى، ءوزىمنىڭ سۇيىكتى وتانىم - قازاقستاندى شىن جۇرەكتەن قۇتتىقتايمىن. بارلىق قازاقستاندىقتارعا تىنىشتىق، يگىلىك، اشىق اسپان، ءار وتباسىندا مولشىلىق تىلەيمىن»، - دەدى «قازاقپارات» ح ا ا تىلشىسىنە بەرگەن سۇحباتىندا ت. پولتاۆسكايا.

تۇتاستاي العاندا، استانا تۇرعىندارى مەن قوناقتارى مۋزىكالىق- تەاترلاندىرىلعان ۇلتتىق جانە شىعارماشىل ۇيىمداردىڭ باعدارلاماسىنا جانە ناۋرىز مەرەكەسىندەگى ۇلتتىق رەڭكى مول شارالارعا ءتانتى بولدى.

«مەن ماسكەۋگە ءوزىمنىڭ دوستارىما قوناققا كەلدىم، مەن وسىندا ناۋرىز مەيرامىنا قاتىسۋ باقىتىنا يە بولدىم. اسىرەسە قازاقستاندىق ارتىستەر مەن انشىلەردىڭ مۋزىكالىق باعدارلامالسى اسەرلى بولدى. وتانىمنان جىراقتا ءجۇرىپ، قازاق اندەرى مەن اۋەندەرىن تىڭداۋ ءسۇيىنىشتى بولدى»، - دەپ ءوز اسەرىمەن ءبولىستى «ەير استانا» ا ق اۆياكومپانياسىنىڭ قىزمەتكەرى اسەت سەرعازى.

 ناۋرىز مەرەكەسى قۇرمەتىنە ماسكەۋدە «فۋتبول باۋىرلاستىعى» جوباسىنىڭ اۋقىمىندا «ناۋرىزداعى فۋتبول» اتتى ميني-فۋتبولدان تۋرنير ءوتتى.

2

3

4

3

4

5

7

7

سوڭعى جاڭالىقتار