استانا وپەرا ەلوردالىقتارعا «ارمىسىڭ، ءاز ناۋرىز!» كونسەرتىن تارتۋ ەتەدى - فوتو

None
None
استانا. قازاقپارات - كوكتەمگى جاڭارۋ، قايتا تۇلەۋ، دوستىق پەن بىرلىك مەرەكەسىنە وراي «استانا وپەرا» تەاترىنىڭ نەگىزگى ساحناسىندا 22 - ناۋرىزدا «ارمىسىڭ، ءاز ناۋرىز!» سالتاناتتى شاراسى وتەدى، دەپ حابارلانعان تەاتردىڭ سايتىندا.

كونتسەرتتە قازاقتىڭ وپەرا ونەرىنىڭ باستاۋىندا تۇرعان كومپوزيتورلاردىڭ شىعارمالارى ۇسىنىلادى، اتاپ ايتساق كورەرمەنگە ا. جۇبانوۆ پەن ل. حاميديدىڭ «ابايى»، م. تولەبايەۆتىڭ «ءبىرجان- ساراسى»، ە. برۋسيلوۆسكيدىڭ «قىز جىبەگى»، س. مۇحامەدجانوۆتىڭ «ايسۇلۋى»، ە. راحماديەۆتىڭ «قامار سۇلۋى» سىندى تۋىندىلار تارتۋ ەتىلمەك.

مۇنىمەن قاتار باعدارلامادا كوپ ۇلتتى ەلىمىزدەگى قاۋىمداردىڭ مادەنيەتىن پاش ەتەتىن، الەمدىك مۋزىكالىق كلاسسيكا مەن كومپوزيتسيا جاۋھارلارى قامتىلادى.

سالتاناتتى كەشتىڭ اجارىن «استانا وپەرا» تەاترىنىڭ تاماشا سوليستەرى، بالەت جۇلدىزدارى، سيمفونيالىق وركەسترىنىڭ دارىندى مۋزىكانتتارى مەن حورى اشادى.

«استانا وپەرا» تەاترىنىڭ رەجيسسەرى ناتاليا كاگادي مەرەكەلىك شارا جايلى ءبولىستى.

- نەگىزىنەن كونسەرتىمىز ءۇش بولىمنەن تۇرادى. بۇل، ءبىرىنشى كەزەكتە، ۇلتتىق كلاسسيكالىق رەپەرتۋار. 2015 - جىل قازاقستان حالقى اسسامبلەياسىنىڭ جىلى بولىپ جاريالانعاندىقتان، كەلەسى بولىمدە ورىستىڭ، ۋكرايننىڭ، باشقۇرتتىڭ، تاتاردىڭ، ارمياننىڭ مۋزىكاسى ۇسىنىلادى.

«استانا وپەرا» - بۇل كلاسسيكالىق تەاتر، سول سەبەپتى ءۇشىنشى ءبولىم الەمدىك كلاسسيكالىق مۋزىكانىڭ تاڭداۋلى تۋىندىلارىنا ارنالادى. كونسەرتتى مەيرامعا وراي ماڭىزدى ۇلتتىق ءبيىمىز - «مەرەكە ءبيى» اياقتايدى. ءبىز قوناقجاي، بەرەكەلى وتانىمىزدىڭ رۋحاني بايلىعىن، ونەرىنىڭ جوعارى دەڭگەيىن كورسەتكىمىز كەلەدى، - دەيدى ونەر شەبەرى.

ال «استانا وپەرا» تەاترىنىڭ ديرەكتورى تولەۋبەك الپيەۆ كوكتەمگى ناۋرىز مەرەكەسىمەن بارشا قازاقستاندىقتاردى قۇتتىقتادى.

- بۇل مەرەكەنىڭ ءتۇپ- تامىرى سوناۋ ادام بالاسىنىڭ جازبا داۋىرىنە دەيىنگى تاريحىندا جاتىر. حالىقارالىق يۋنەسكو ۇيىمىنىڭ شەشىمىمەن ول ادامزاتتىڭ مادەني مۇراسىنىڭ قاتارىنا ەندى. «استانا وپەرا» تەاترى استانالىق تۇرعىندار مەن قوناقتارعا، الەمدىك مۋزىكالىق كلاسسيكانىڭ قازىناسىنان ورىن تەپكەن قازاق حالقىنىڭ مۋزىكالىق مۇراسىنىڭ ەڭ ۇزدىك ۇلگىلەرىمەن ەستەن كەتپەس كەزدەسۋ سىيلايدى. وسى ءبىر تاماشا كۇندە بارشاڭىزعا تىلەرىم - وتباسىڭىزدا بەيبىتشىلىك پەن بىرلىك ۇيالاسىن، ال كوڭىلدەرىڭىزدە تاماشا مۋزىكا قالىقتاسىن! - دەدى تولەۋبەك نىعمەت ۇلى.

كونسەرت ەكى بولىمنەن تۇرادى، ساعات 19:00 دە باستالادى.

2

3

سوڭعى جاڭالىقتار