عالىمدار: الەۋمەتتىك جەلىلەردە بالاڭىزدىڭ سۋرەتىن جاريالاۋ قاۋىپتى
ولار الەۋمەتتىك جەلىلەرگە قىزدارى مەن ۇلدارى تۇسكەن بەينەروليكتى دە جاريالايدى. ءبىراق ميچيگان ۋنيۆەرسيتەتىنىڭ عالىمدارى بۇنىڭ دۇرىس ەمەستىگىن العا تارتۋدا. «بۇل ارەكەت بالالار ءۇشىن ەموتسيالىق جاعىنان قاۋىپتى»، - دەپ جازادى MedDaily.ru.
بالالار وسكەندە الەۋمەتتىك جەلىدەگى پاراقشانى وزدەرى اشىپ، ءارى قاراي پايدالانا بەرەتىن بولادى. الايدا ولاردىڭ سۋرەتتەرىن تىم جاس كەزىنەن عالامتورعا جاريالاپ، ونى بۇگە-شۇگەسىنە دەيىن سيپاتتاپ، دۇنيەگە جار سالۋ سول بالالاردىڭ ءومىرى ءۇشىن قاۋىپتى بولۋى مۇمكىن. سونداي-اق ولار كىشكەنە شاعىندا ءتۇسىرىلىپ، عالامتورعا شىعارىلعان سۋرەتتەرىنەن وسە كەلە قىسىلاتىن بولادى.
سەبەبى ادامنىڭ ءسابي شاعىنداعى كەيبىر سۋرەتتەرى تەك ونىڭ ءوزى عانا كورەتىندەي سيپاتتا بولۋى دا مۇمكىن. وسىعان بايلانىستى زەرتتەۋشىلەر اتا-انالاردى بالالارىنىڭ مۇددەلەرىن ويلاپ، كىم كورىنگەنمەن ولار تۋرالى اقپاراتتى بولىسە بەرمەۋگە شاقىرادى.
