جاپونيانىڭ يمپەراتورى دەنساۋلىعىنا بايلانىستى رەسمي مىندەتتەرىن ورىندامايتىن بولدى

None
None
استانا. قازاقپارات - جاپونيا يمپەراتورى اكيحيتو سۋىق ءتيىپ، سىرقاتتانۋىنا بايلانىستى ءبىراز ۋاقىتقا دەيىن رەسمي مىندەتتەرىن ورىنداي المايدى، دەپ حابارلادى ت ا س س.

بۇل تۋرالى يمپەراتورلىق جۇپتىڭ اقپاراتتارىن قاداعالايتىن يمپەراتور سارايىنىڭ باسقارماسى حابارلادى. ادەتتە ولاردىڭ جەكە ءومىرى جايلى حابار كوپ جاريا ەتىلمەيتىن.

دەرەكتەرگە سۇيەنسەك، مونارحقا جەڭىل تۇماۋ تيگەنىنە قاراماستان، سەنبىگە جوسپارلانعان كوكتەمگى كۇن مەن ءتۇننىڭ تەڭەلۋىنە ارنالعان ءدىني مەرەكەگە قاتىسپاۋ شەشىمى قابىلداندى. يمپەراتوردىڭ جۇبايى يمپەراتريتسا ميتيكو مەن ونىڭ وتباسى شاراعا قاتىسادى.

يمپەراتور اكيحيتونىڭ ودان ءارى رەسمي باعدارلاماسى ازىرگە انىقتالعان جوق.

سوڭعى جاڭالىقتار