قازاقستاندىقتار ناۋرىز مەيرامىن تويلاپ جاتىر

استانا. قازاقپارات - قازاقستاندىقتار شىعىس تۇركى حالىقتارىندا جاڭا جىل سانالاتىن ناۋرىز مەيرامىن تويلاپ جاتىر، - دەپ حابارلايدى «ينتەرفاكس- قازاقستان».

ناۋرىز مەيرامى قازاقستاننىڭ بارلىق ەلدى مەكەنىندە، وڭىرلەرىندە، كوشەلەرىندە، ساياباقتارى مەن الاڭدارىندا تويلانادى.

ناۋرىزدى تويلاۋ ورىندارىندا شىعارماشىلىق ۇجىمدار كونسەرت قويىپ، ءتۇرلى بايقاۋلار، ۆيكتورينالار، سپورت جارىستارىن ۇيىمداستىرىپ، سونىمەن قاتار، اعاش وتىرعىزۋ، ازىق-تۇلىك تاۋارلارىنىڭ جارمەڭكەسى وتكىزىلەدى.

بۇل مەيرام قازاقستاندا مەملەكەتتىك مەرەكە سانالادى جانە ءۇش كۇن تويلانادى - 21-23- ناۋرىز ارالىعى. زاڭناماعا سايكەس، رەسپۋبليكادا دەمالىس كۇندەرى بولادى. وسى جىلى مەرەكە كۇندەرى سەنبى، جەكسەنبى جانە دۇيسەنبى كۇندەرىنە تۇسەتىندىكتەن، قازاقستاندىقتار بەس كۇن قاتارىنان دەمالا الادى. بۇل سەيسەنبى مەن سارسەنبى كۇندەرى دە جۇمىس كۇندەرى ەمەس دەگەن ءسوز (24, 25- ناۋرىز كۇندەرى).

ايتا كەتەيىك، ناۋرىز مەيرامى رەسپۋبليكادا 2010-جىلعا دەيىن رەسمي تۇردە ءبىر عانا كۇندە تويلانىپ كەلدى - 22- ناۋرىز. قازاقتىڭ ەرتەدەگى سەنىم-نانىمىنا سايكەس، بۇل ۋاقىتتا اعاش وتىرعىزىپ، بۇلاقتىڭ كوزىن اشۋ كەرەك نەمەسە ارىقتى تازالاۋ كەرەك. مەيرام قارساڭىندا ءۇي جيناستىرىلىپ، ءتۇرلى ءدامدى تاماق جاسالادى، ال ونىڭ ىشىندە ەڭ باستىسى - ناۋرىز كوجە.