باتىس قازاقستاندىق ساقشىلار ناۋرىز مەرەكەسىن ەرەكشە اتاپ ءوتتى - فوتو

None
None
ورال. قازاقپارات - باتىس قازاقستان وبلىستىق ىشكى ىستەر دەپارتامەنتىندە سايىس تۇرىندە ۇيىمداستىرىلعان «قوش كەلدىڭ، ءاز-ناۋرىز!» اتتى مەرەكەلىك شاراعا ءتۇرلى ۇلت وكىلدەرى قاتىسىپ، ءوز ونەرلەرىن ورتاعا سالدى.

دەپارتامەنتتىڭ باسپا ءسوز قىزمەتىنەن اسىلاي عۇباشيەۆانىڭ حابارلاعانىنداي، عيماراتتىڭ ءتورت بىردەي قاباتىندا بىرنەشە بولىنىستەردىڭ بىرىگۋىمەن ناۋرىز مەيرامىنا وراي داستارحان جايىلىپ، ۇلتتىق كيىم كيگەن قىزمەتكەرلەر مەرەكەلىك باعدارلاما ازىرلەدى.

دەپارتامەنت باستىعىنىڭ ورىنباسارى، پوليتسيا پولكوۆنيگى بەرىك وتەۋليننىڭ اتاپ وتكەنىندەي، ب ق و ىشكى ىستەر ورگانىندا 11 ۇلت وكىلدەرى قىزمەت ەتەدى. ولار ءبىر-ءبىرىنىڭ سالت-ءداستۇرىن، مەيرامدارىن قۇرمەتتەي بىلەدى. بيىل ق ح ا جىلى بولعاندىقتان، ناۋرىز مەرەكەسى دە سوعان ورايلاستىرىلىپ وتىر. ورتاق شاڭىراق استىندا ءتارتىپ ساقشىلارى ءبىر ءۇيدىڭ بالالارىنداي ۇيىمشىلدىقپەن ءتۇرلى سالت-ءداستۇردى كورسەتە ءبىلدى. ماسەلەن، ءبىر قاباتتا بەتاشار ءراسىمى كورسەتىلسە، كەلەسىسىندە ءسابي بەسىككە سالىندى.

ناۋرىز مەيرامىنىڭ باسقا ەلدەرگە دە ورتاق ەكەندىگى ەسكەرىلىپ، قازاق، ورىس، مولدوۆان، ۋكراين، بەلورۋس، وزبەك حالىقتارىنىڭ بيلەرى بيلەندى. قازاقتىڭ قارا دومبىراسى كۇمبىرلەپ، حالىق اندەرىنە كەزەك بەرىلدى. ارقان تارتۋ سايىسى ەرەكشە جىگەرمەن ءوتتى. مەرەكەلىك داستارحانعا وزگە حالىقتاردىڭ ۇلتتىق تاعامدارى دا قويىلدى.

سايىس سوڭىندا قازىلار القاسىنىڭ شەشىمىمەن ناۋرىز مەيرامىنا بەلسەنە قاتىسقان بارلىق كوماندالار ءتۇرلى اتالىمدار بويىنشا العىس حات، ديپلومدارمەن ماراپاتتالدى.

Батысқазақстандық

Батысқазақстандық

Батысқазақстандық

Батысқазақстандық

Батысқазақстандық

سوڭعى جاڭالىقتار