قازاقستاننىڭ وليمپيادا چەمپيوندارى الماتى مارافونىنا قاتىساتىن بولادى
«گرەك-ريم كۇرەسى بويىنشا اتلانتا وليمپياداسىنىڭ چەمپيونى يۋري مەلنيچەنكو، بوكستان سيدنەي، بەيجىڭ جانە لوندون وليمپيادالارىنىڭ چەمپيوندارى سەرىك ساپيەۆ، باقىت سارسەكبايەۆ جانە ەرماحان ىبىرايىموۆ، گرەك-ريم بويىنشا ماسكەۋ وليمپياداسىنىڭ چەمپيونى جاقسىلىق ۇشكەمپىروۆ جانە جەڭىل اتلەتيكا بويىنشا سيدنەي وليمپياداسىنىڭ چەمپيونى ولگا شيشيگينا الماتى مارافونىنا قاتىسادى»، - دەلىنگەن مالىمدەمەدە.
ايتا كەتەلىك، 2015-جىلدىڭ 26- ساۋىرىندە وتەتىن «ءبىرىنشى بولۋ باتىلدىق» اتتى IV الماتى مارافونى جارىسىنا 15000 استام قاتىسادى دەپ كۇتىلۋدە.
وعان 10 جاستان اسقان كەز كەلگەن ادام قاتىسا الادى. قايىرىمدىلىق جارناسىنىڭ ەڭ تومەنگى سوماسى - 1500 تەڭگە. بۇدان دا كوپ تولەۋگە شەكتەۋ قويىلمايدى.
مارافوننىڭ باستى ماقساتى - سالاۋاتتى ءومىر سالتىن ناسيحاتتاۋ، جاس دارىندى سپورتشىلارعا جانە رەسپۋبليكالىق ماڭىزعا يە قايىرىمدىلىق جوبالارىنا قولداۋ كورسەتۋ.
جارىستار 3, 10, 21 جانە 42 شاقىرىم 195 مەترلىك قاشىقتىق جانە ەكيدەن (كورپوراتيۆتىك كوماندالارعا ارنالعان) مارافونى بويىنشا وتەدى.
اۆتور: جاپپاربەرگەن ايبوتا
