ءار ەلدىڭ «سالتى» باسقا

استانا. قازاقپارات - بارسەلونا سوتى ەلدەگى بوردەلدەردىڭ يەلەرىن جەزوكشەلەرمەن كەلىسىم- شارت جاساۋعا ماجبۇرلەيتىن ۇكىم شىعاردى.

بۇدان بولەك، مەكەمە قوجايىندارى ءوز جۇمىسشىلارىنىڭ اتىنان الەۋمەتتىك قامسىزداندىرۋ قورىنا سالىق تولەيدى.

سونىمەن، سوت جۇمىسسىز جەزوكشەلەر دە جاردەماقى مەن زەينەتاقى الۋى، مەملەكەتتىك مەديتسينالىق قىزمەتتەر مەن جەڭىلدىكتەرگە قول جەتكىزە الۋى ءتيىس دەگەن شەشىم شىعارىپ وتىر.

بارسەلونا سوتىنىڭ شەشىمىنە قاتىستى كاتالونيانىڭ جوعارعى سوتىنا شاعىم بەرۋگە بولادى. يسپانيادا جەزوكشەلىككە 1995 - جىلدان بەرى قىلمىستىق ءىس رەتىندە قارالمايدى. الايدا، بۇل سالادا «جۇمىس ىستەيتىندەردىڭ» ەڭبەك قۇقىقتارى ەسكەرىلمەي كەلگەن.

ال «جەڭگەتايلىق» پەن ايەل ساۋداسىنا بۇل ەلدە تىيىم سالىنعان. يسپانيادا سەكس-يندۋستريا قاتتى دامىپ كەتكەن. ايەلدەردىڭ باسىم بولىگى جەزوكشەلىككە ەلدەگى ەكونوميكالىق داعدارىستىڭ سالدارىنان ۇرىنادى.

يسپانيالىقتاردىڭ شامامەن 39 پايىزى جەزوكشەلەردىڭ قىزمەتىنە جۇگىنەتىنىن جاسىرمايدى.

BNews.kz