09:39, 20 - ناۋرىز 2015 | GMT +5
سودىرلار سويقان جاساماقشى
استانا. قازاقپارات - يسپانيادا ۇستالعان جيحادشىلار كورول وتباسىنا قاستاندىق جاساۋدى جوسپارلاعان.
ولار فيليپپ VI پەن ونىڭ قىزدارىن ءولتىرۋدى كوزدەگەن. پوليتسيا ءتىنتۋ كەزىندە تابىلعان حاتتى وقىپ وسىنداي شەشىمگە كەلدى.
وندا "فيليپپ قىزدارى ءۇيىندى استىندا قالعان كەزدە، قايعىنىڭ نە ەكەنىن بىلەتىن بولادى" دەپ جازىلعان.
كۇدىكتى رەتىندە ۇستالعان التى ەر ادام مەن ەكى ايەل قاماۋعا الىندى. ەلدەگى بىرنەشە قالادا بوي تاسالاپ جۇرگەن ولار جارىلىس ۇيىمداستىرماق بولدى.
سيريا مەن يراكتاعى سوعىسقا جاستاردى تارتتى دەگەن كۇدىككە ىلىنگەن. يسپانيا ىشكى ىستەر مينيسترلىگىنىڭ حابارلاۋىنشا، اتالمىش توپ ۇلتتىق قاۋىپسىزدىككە قاۋىپ توندىرگەن.
"استانا" ارناسى
