لاڭكەستەر يراكتان قاشۋعا ازىرلەنىپ جاتىر

None
None
استانا. قازاقپارات - يراك كۇردىستانى دەموكراتيالىق پارتياسىنىڭ سايتى «ءابۋ باكىر ءال- باعدادي كورگەن تۇسىنەن كەيىن بارلىق ادامدارىنا موسۋلدان شىعۋعا دايىندالۋعا جارلىق بەردى» دەپ مالىمدەگەن.

بۇل اقپاردى «ءال- الام» ارناسى دا راستاعان.

يراك اقپارات كوزدەرى «ي ش ي ر سودىرلارى جەتەكشىسى ءابۋ باكىر ءال-باعداديدىڭ بۇيرىعىمەن يراكتىڭ موسۋل قالاسىنان قاشۋعا ازىرلەنىپ جاتىر» - دەپ حابارلادى.

حابارلامادا باعدادي ءوزىنىڭ بۇل ارەكەتىن: «پايعامبار (س. ع. س. ) تۇسىندە وعان دەرەۋ موسۋلدان كەتۋگە بۇيرىق بەردى»، - دەگەن ۋاجبەن اقتاپ العىسى كەلگەن.

باعداديدىڭ ءتۇسى تۋرالى حابار موسۋل تۇرعىندارى مەن وسى قالاداعى يشير سودىرلارىنىڭ اراسىندا تاراعانىمەن ازىرشە ولاردىڭ وسى قالادان قاشان شىعاتىندىقتارى بەلگىسىز. يشير سوڭعى اپتالاردا يراك ارمياسى مەن حالىقتىق ەرىكتى كۇشتەر تاراپىنان اۋىر شىعىنعا ۇشىراعان بولاتىن. سونىمەن بىرگە، ي ش ي ر لاڭكەستىك توبىنىڭ يراكتىڭ سولتۇستىگىندەگى سالاحۋددين وبلىسىنىڭ ورتالىعى تيكريتتە ورناتقان تۇزاقتارى مەن كوپتەگەن جارىلعىش زاتتارىن تاۋىپ، كوشەلەر، ۇيلەر مەن ۇكىمەتتىك ورتالىقتارعا ورناتىلعان وسى جارىلعىش زاتتاردى زالالسىزداندىرۋ ءۇشىن جىلۋ كامەرالى زىمىراندارىن پايدالانعانىن جەرگىلىكتى بيلىك قۋانا حابارلاعان بولاتىن.

قازىرگى تاڭدا يشير-دىڭ جەڭىلگەنىن مويىنداۋدان باسقا امالى جوق دەپ ەسەپتەيدى جەرگىلىكتى بيلىك وكىلدەرى.

E-islam.kz

سوڭعى جاڭالىقتار