قازاقستان اسكەرى داستۇرگە قۇرمەت كورسەتىپ، ءاز- ناۋرىزعا تىڭعىلىقتى دايىندالدى - كەسكىن
ناقتىراق ايتقاندا، قارۋلى كۇشتەردىڭ بارلىق اسكەري بولىمىندە مادەني- ويىن- ساۋىق باعدارلامالارى ۇيىمداستىرىلعان. سالتاناتتى جاساۋىمەن كيىز ءۇي تىگىلسە، مول داستارقان مەن سپورتتىق جارىستار مەرەكەنىڭ اجارىن اشا تۇسپەك. ەڭ باستىسى، بارلىعى دا ۇلتتىق سالت- ءداستۇر تاقىرىبىندا وتكىزىلەدى.
«وڭتۇستىك» وڭىرلىك قولباسشىلىق اسكەري قىزمەتشىلەرى ناۋرىز مەيرامىنا العاشقىلاردىڭ قاتارىندا دايىندىق جۇمىستارىن وتكىزدى. ولار جەرگىلىكتى تۇرعىندارمەن بىرلەسىپ التىباقان تەۋىپ، اقشاڭقان كيىز ءۇي تىكتى. وفيتسەرلەر مەن ساربازدار قىز قۋۋ، تەڭگە الۋ، ارقان تارتۋ سياقتى ۇلتتىق ويىندارعا قاتىسسا، اپا- اجەلەرىمىز ۇلتىمىزدىڭ ءداستۇرلى ناۋرىز كوجەسىن ازىرلەدى.
كوكتەم مەرەكەسىنە قازاقستانداعى جالعىز تاۋ- قورىعى روتاسىنىڭ اسكەري قىزمەتشىلەرى دە قاتىسىپ، ات قۇلاعىندا وينايتىن ساربازدار تاماشا ونەر كورسەتتى.
