قۇلىبايەۆ حالىققا شىندىقتى ايتتى
ۇلتتىق كاسىپكەرلەر پالاتاسى ءتورالقاسىنىڭ ءتوراعاسى تيمۋر قۇلىبايەۆ اتىراۋدا وتكەن ايماقتىق كەڭەستىڭ كەڭەيتىلگەن وتىرىسىندا كاسىپكەرلەرگە اششى دا بولسا شىندىقتى جايىپ سالدى، دەپ حابارلايدى استانا ارناسى.
«ازىرگە ەكسپورتتايتىن ەشتەڭە جوق. بىزدە ەكسپورتتى قولدايتىن باعدارلامالار جەتكىلىكتى، قارجى دا ءبولىندى، ءبولىنىپ تە جاتىر. الايدا وكىنىشكە وراي، قولدايتىن ءونىم جوق»، - دەيدى ءتوراعا قۇلىبايەۆ.
تيمۋر قۇلىبايەۆ سوندىقتان، قانداي دا ءبىر كاسىپورىن قۇرار كەزدە، الدىمەن رەسەي مەن بەلارۋس جانە قىتاي نارىعىن زەرتتەۋگە كەڭەس بەردى.
ويتكەنى ەلىمىزدىڭ كەيبىر سالاسى قازىردىڭ وزىندە كەدەندىك وداققا مۇشە ەلدەرمەن باسەكەلەستىكتە «بەل كوتەرە الماي قالدى».
«الدا دۇنيە جۇزىلىك ساۋدا ۇيىمىنىڭ قاقپاسى اشىلعاندا، الپاۋىت قىتاي نارىعىمەن باسەكەلەستىك كۇتىپ تۇر»، - دەپ ەسكەرتتى ءتوراعا.
سوندىقتان ول كاسىپكەرلەردى مەملەكەتتىك قولداۋدى پايدالانىپ، سۇرانىستى زەردەلەپ، ءونىم ساپاسىنا نازار اۋدارۋعا، زاماناۋي تەحنولوگياعا يەك ارتۋعا ۇندەدى.
