گولوۆكين مەنني پاكياومەن كەزدەستى - فوتو

استانا. قازاقپارات - قازاقستاندىق بوكسشى گەننادي گولوۆكين (32-0, 29 ك و) ءوز كومانداسىمەن بىرگە Wild Card Boxing Gym جاتتىعۋ جاساپ جاتقان فيليپپيندىك مەنني پاكياونى (57-5-2, 38 ك و) زيارات ەتتى. بۇل تۋرالى گولوۆكيننىڭ ۆكونتاكتە الەۋمەتتىك جەلىسىندەگى جەكە پاراقشاسىندا جاريالاندى، دەپ حابارلايدى Bnews.kz.

گولوۆكين پاكياوعا 2- مامىردا لاس-ۆەگاستاعى MGM Grand ارەنادا فلويدوم مەيۆەزەرگە (47-0, 26 ك و) قارسى وتكىزەتىن جەكپە-جەكتە ساتتىلىك تىلەدى. بۇل قوس مىقتىنىڭ كەزدەسۋىن امەريكانىڭ ەڭ ۇزدىك ەكى ارناسى نۆو جانە Showtime تەلەارنالارى كورسەتەدى.

مۇنىڭ الدىندا حابارلاعانىمىزداي، امەريكالىق بوكسشى بۇل جەكپە-جەكتە 120 ميلليون، ال فيليپپيندىك بوكسشى 80 ميلليون دوللار تابىس تابادى. سونىمەن قاتار، بوكسشىلار مەيۆەزەرگە تيەسىلى (WBA) ، (WBC) چەمپيوندىق بەلبەۋى مەن پاكياوعا تيەسىلى WBO چەمپيوندىق بەلبەۋىن ساراپقا سالادى.

ايتا كەتۋ كەرەك، گەننادي گولوۆكيننىڭ كەلەسى كەزدەسۋى 16- مامىردا لوس-اندجەلەستە وتكىزەدى. ونىڭ قارسىلاسى امەريكالىق كىشى ۆيللي مونرو. بيلەتتەر ساتۋعا شىعارىلعان العاش كۇنى 2500 بيلەت ساتىلعان.