استاناعا گاز قۇبىرىن تارتۋ جوباسى الداعى ۋاقىتتا ىسكە اسىرىلادى - ق ر ەنەرگەتيكا ۆيتسە- ءمينيسترى

None
None
استانا. قازاقپارات - الداعى ۋاقىتتا استاناعا گاز قۇبىرىن تارتۋ جوباسى ىسكە اسىرىلادى. بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر ەنەرگەتيكا ۆيتسە- ءمينيسترى ماعزۇم مىرزاعاليەۆ ءمالىم ەتتى.

«استاناعا تارتىلاتىن گاز قۇبىرى بويىنشا تولىق قاراستىرىلىپ، بەكىتىلگەن تەحنيكالىق ەكونوميكالىق نەگىزدەمە بار. ءبىز جوبانىڭ قۇنىن انىقتاپ، ونىڭ تارتىلاتىن باعدارىن ايقىنداعان بولاتىنبىز. بۇگىندە اتالعان گاز قۇبىرىنىڭ قۇرىلىسى جۇزەگە اسىرىلىپ جاتقان جوق. ونى سالۋ بويىنشا جۇمىستاردى ازىرگە ۋاقىتشا توقتاتا تۇرۋ شەشىمى جاسالعان. الايدا بۇل شەشىم استانانى گاز قۇبىرىن تارتپايمىز دەگەندى بىلدىرمەيدى، ياعني الداعى ۋاقىتتا وسى جوبا ىسكە اسىرىلادى» ، - دەدى ءمينيستردىڭ ورىنباسارى.

ەستەرىڭىزگە سالا كەتەيىك، وتكەن جىلدارى سولتۇستىك وڭىرلەردى گازداندىرۋ بويىنشا جۇمىستار جوسپارلانعان بولاتىن. وسى ورايدا «توبىل- كوكشەتاۋ- استانا» سولتۇستىك گاز قۇبىرىن سالۋ قاراستىرىلعان ەدى.

 

 اۆتور: رۋسلان عابباسوۆ 

سوڭعى جاڭالىقتار