پرەزيدەنت سايلاۋىن وتكىزۋ رەسپۋبليكاداعى قالىپتاسقان تۇراقتىلىقتى تاعى ءبىر نىعايتۋى ءتيىس - عالىم ن. ءابۋوۆ

None
None
پەتروپاۆل. قازاقپارات - پرەزيدەنت سايلاۋىن وتكىزۋ رەسپۋبليكاداعى قالىپتاسقان تۇراقتىلىقتى تاعى ءبىر نىعايتۋى ءتيىس، دەدى ءبىزدىڭ تىلشىمىزبەن سۇحباتىندا ماناش قوزىبايەۆ اتىنداعى سقمۋ تاريح جانە الەۋمەتتىك- گۋمانيتارلىق ءتارتىپ كافەدراسىنىڭ مەڭگەرۋشىسى، تاريح عىلىمدارىنىڭ كانديداتى، دوتسەنت نۇربولات ءابۋوۆ.

«الەمنىڭ كوپتەگەن مەملەكەتتەرى مەن حالىقتارى قازىرگى ۋاقىتتا دامۋ جولىن تاڭداۋدا كۇردەلى جاعدايدا قالىپ وتىر.

قازاقستان تاپ وتكەن كەزەڭدەگى جاھاندىق ەكونوميكالىق داعدارىستاعىداي الەمدە ءوز ۇستانىمىن نىعايتۋعا جانە كۇشەيتۋگە ۇمتىلۋدا. وسىنداي كوزقاراس تۇرعىسىندا پرەزيدەنت سايلاۋىن وتكىزۋ رەسپۋبليكادا قالىپتاسقان تۇراقتىلىقتى تاعى ءبىر رەت نىعايتۋى ءتيىس» ، - دەپ اتاپ ءوتتى ن. ءابۋوۆ.

 اتاپ وتكەن ورىندى، سايلاۋالدى ۇگىت كانديداتتار تىركەلگەننەن كەيىن، ياعني 26 ناۋرىزدا باستالادى. ءبىراق قازىردىڭ وزىندە قازاقستاندىق قوعام ازاماتتىق بەلسەندىلىگىن تانىتۋدا. بۇل ءبىزدىڭ قوعامنىڭ وسىناۋ ساياسي شارانىڭ ماڭىزدىلىعىن ناقتى سەزىنگەنىنىڭ كورسەتكىشى. الداعى سايلاۋ جاۋاپتى دا ماڭىزدى، ەلىمىزدىڭ ۇستانعان جولىنا بەرىك نەگىز قالايدى جانە ودان ءارى دامۋىن ايقىندايدى.

 بولاشاق پرەزيدەنت ءۇشىن رەسپۋبليكا ازاماتتارىنىڭ سەنىمى مەن قولداۋى اسا ماڭىزدى. مەنىڭ پايىمداۋىمشا، قازاقستان ازاماتتارى - ءبىزدىڭ ەلىمىز ءۇشىن جاۋاپكەرشىلىكتەرىن سەزىنە وتىرىپ ءوز ۇلەسىن قوسۋعا دايىن، بولاشاقتارىنىڭ باياندى بولۋى الداعى سايلاۋعا بايلانىستى ەكەندىگىن تۇسىنەتىن ناعىز پاتريوتتار. 2015 -جىلى 26 - ساۋىردە قازاقستان رەسپۋبليكاسىنىڭ پرەزيدەنتى سايلاۋى وتەدى جانە ءوز تاڭداۋىن جاساۋ - ءار ازاماتتىڭ بورىشى» ، - دەپ تۇيىندەدى تاريح عىلىمدارىنىڭ كانديداتى. 

سوڭعى جاڭالىقتار