09:19, 19 - ناۋرىز 2015 | GMT +6
وزبەكستاندا تابيعي گازبەن جۇرەتىن اۆتوموبيلدەر جاپپاي شىعارىلا باستايدى
استانا. قازاقپارات - اعىمداعى جىلى كۇزدە GM Uzbekistan زاۋىتىندا تابيعي گازبەن جۇرەتىن اۆتوموبيلدەر جاپپاي شىعارىلا باستايدى، دەپ حابارلايدى ۋزتاگ كومپانياداعى دەرەككوزگە سىلتەمە جاساپ.
دەرەككوزدىڭ ايتۋىنشا، گاز باللونىنىڭ قۇرال- جابدىقتارىن Avtosanoat-Landi Renzo وزبەك- يتاليان بىرلەسكەن كاسىپورنى جەتكىزەتىن بولادى. قازىردىڭ وزىندە 25 ماشينا وزبەكستاننىڭ ءۇش ايماعىندا سىناقتان وتكىزىلۋدە.
كومپانيانىڭ جوسپارى بويىنشا العاشقى 1,5 مىڭ اۆتوموبيل اعىمداعى جىلى قازان ايىندا ساتىلىمعا تۇسپەك.